Yaŋ 66:3 - Yennu Gbouŋ Mɔɔr

³ ki yet Yennu a, “Toona nba ki a tuun na teen bakitnauŋ. A paŋ yab bonchiann, ki li te ki a datai gbaa a tɔɔnn nan jaŋmaanii.

Yaŋ 66:3 ပူးပေါင်းရင်းမြစ်များ

JOB labaar 25:2

Yennu-e mɔk yiikoo, li ŋan ki ti kur n tinɔ jaŋmaanii; u te ki parmaasir be yendɔuŋ ni.

Yaŋ 18:44

Ki boorganu-i gbat n kunkɔr yoo nba, ki bi mɔk mɔsaku, ki gbaant n tɔɔnn,

Yaŋ 18:45

ki bi gbanant baŋit, ki bi nyi bi digbanpaara ni, ki jekir.

Yaŋ 47:2

Ŋaant ki tin chɔrin yabint daanɔ Yennu nba gar sɔɔ kur na, ŋɔɔe tee kpanbar jaann nba dia tingbouŋ munn.

Yaŋ 65:5

Yennu nba tee ti tinntɔɔ, a teent gatu, a bakitnauŋ toonŋana ni, Niib nba be durinya kur po, nan binba be mɔkgbeŋa pootir, banfɔkira na, bi kur maa a paake.

Yaŋ 68:30

A yakii nan Ijipt nba naan nan bonkob-gbeŋir nba be kinkauk niŋ na, ki bia yakii nan digbana nba naan nan naajai nba ŋmat nan naabis na, ki te ki bi kur n sikin bi mɔŋ ki jii bi likirii ki tura; ki yat niib nba mɔk niɔŋ ki loon tɔbii faanu na.

Yaŋ 76:12

U te ki doo diara sikint bi mɔŋ, ki te tingbouŋ na kpanbara tiinɔ jaŋmaanii.

Yaŋ 81:15

Ki binba ki loonin na, jaŋmaanii saa soorib, ki bin gbaan n tɔɔnn, ki bi tubdatu sii be yaayoo nan yaayoo.

Nyinu 15:21

Ki Miriam yiin ki teemm a: “Yinin yaŋ ki tur Yennu, kimaan u nyann nyannjaann ki lu taanii nan taanjakira mɔkgbeŋir niwa.”

Aisaya 2:19

Nisaarii saa gur tanfiat nba be jɔɔt ni, koo ki gbiir bootii tiŋ ni, a bin bɔr nyi Yennu wutoor ni, nan u paŋ, nan u yiikoo nba baat bi paak na, yoo nba ki u saa baar a wun nik tingbouŋ na.

Aisaya 25:3

Digbanjaana niib saa tura baakir; bi saa tina jaŋmaanii, nibiit doi ni.

Aisaya 40:26

Gotir sanpaak. Ŋmee nan ŋmaabira nba ki a laat na? Li tee wunba gar bi tɔɔnn nan nirɔ nba saa gar nibur tɔɔnn nae. U mi ŋmaabira maŋ kann nba tee, ki yi ŋmaabir kur nan u sann. U yiikoo yab bonchiann, ki nan ŋmaabir yennkɔɔwa ki boori.

Aisaya 64:3

Yosau din be ki a baar ki tun yanputuk toona nba ki ti bo ki daan; kunkona din la-a, ki jaŋmaanii jekibe.

Jeremaya 10:10

Ŋaan fin Yennu-e tee barmɔnii Yennu, ki tee Yennu nba fo na, ki bia tee kpanbar yaayoo siiyoo. A wutoor-i doo yoo nba, durinya tuu jekire; digbana kan fit dia a wutoor.