Yaŋ 63:8 - Yennu Gbouŋ Mɔɔr

⁸ N taab nana, ki a nuu dian ki tinnin.

Yaŋ 63:8 ပူးပေါင်းရင်းမြစ်များ

2 Barkperii 31:21

Linba kur ki u din tun Yenjiantu ŋasaakak na ni, u din mɔk mɔsaku nan Yennu sennu nan wannu. U din waa Yennu-e ki tuun nan u par kur. Li paak ki u din tun laat nyannu.

Yaŋ 18:35

Yennu, fine guun, ki tinnin, a baka nba be n po na paake ki n tee nijaann, ki a yiikoo na dian, ki n tinn.

Yaŋ 37:24

Ki li-i tee ki u baa, u kan kpakin tiŋ ni, kimaan Yennu saa sommɔ ki wun fiir.

Yaŋ 41:12

A saa sommima, kimaan n tuun linba ŋan, ki a saa te ki mii be a boor yoo kur.

Yaŋ 73:23

ŋaan n lek be nanae yoo kur, ki a soor n niidiitu ki dian.

Yaŋ 73:25

N ji mɔk bee yendɔuŋ ni, li-i kii tee fini kaa? Ki tingbouŋ na paak, n kii loon siar ki pukin a po.

Yaŋ 94:18

Ki n yet a, “N yaa man baae na,” ŋaan ki fin Yennu lonchiɔŋ na fiinin ki sennin.

Yankpaŋii 2:6

N yur kpaak n yɔɔk niigaŋe, ki u niidiitu barimin.

Yankpaŋii 3:2

N ji saa fiire ki lin doo ni, ki got li sɔnjot ni nan dai ni. N saa kpaan daanɔ nba ki n par lakib u paak nae. Ŋanne ki n lin kpaanɔ, ŋaan ki ki lau.

Aisaya 26:9

N tuu dukii a poe nyiɔk nan n par kur. Fi-i bu tingbouŋ na nan li niib kur buut, bi kur saa bann ŋant paaka.

Aisaya 41:10

I daa tiin jaŋmaanii. N be nani. Mine tee i Yennu. I daa te ki siar kɔɔnti jaŋmaanii. N saa turi paŋ ki sommi. N saa guuri, ki tinni.

Aisaya 42:1

Yennu bia yet a, “N toontunnɔe na, ŋɔɔe ki n kɔɔnɔ paŋ. Ŋɔɔe ki n gannɔ, ki n par mei u paak. N jii n Seeke ki teen u ni, ki u saa baar nan buut nba took digbana kur paak.

Matiu 11:12

Laa nyii Jɔɔnn maŋ yoo ki tan tuu mɔtana, binba ninbina mɔn nan bin tan kɔɔ Yennu naan ni na, dia nan ninmɔnne a bin tan kɔɔ nan paŋ.

Barŋanii nba ki LUK din sɔb nae na 13:24

“See ki i yabir i mɔŋ ki kɔɔ tammɔyebik na ni. N beerie, niib bonchiann tan sii loon bin kɔɔ leŋ, ŋaan gbar kɔɔnu.

Kolosa teeb 1:29

Linba na paak ki n lek yiab nan paŋ kur nba ki Masia turin, ki li yab bonchiann na.