Yaŋ 63:3 - Yennu Gbouŋ Mɔɔr

³ A lomm nba mɔk nyɔɔt ki gar manfoor na, li paak ki n saa dont a sann.

Yaŋ 63:3 ပူးပေါင်းရင်းမြစ်များ

Yaŋ 21:6

Barmɔnii, a set turɔ piisin nba kaa gbennuwa, ki a benu te ki u mɔk parpeenn.

Yaŋ 30:12

ki n ji saa yin yaŋe ki pak a sann, n kii ŋmini. Yennu, fine tee n Yomdaanɔ, n saa tura niipoouko nan yoo nba kaa paak.

Yaŋ 30:5

U wutoor ki wei nan maaku, ŋaan ki u ŋant wei ki saa dian manfoor terik. Bubuuk sii be nyiɔko, ŋaan ki kpinkpammuk be sanyiɔk ni.

Yaŋ 4:6

Niib bonchiann fabin ki yeen a, “Yennu, teent piisin ti paak. Ii mɔk ninbatinu nan timm.”

Yaŋ 42:2

Fin Yennu nba fo na, n niana. Nlee yooe ki n sii be a tɔɔnn ki jiantirani?

Yaŋ 51:15

Yennu, lootir n mɔb, ki man pak dont a sann.

Yaŋ 66:17

N bui fabin sommir po, ki dontirɔ nan yanii.

Yaŋ 68:25

ki yanyinna be tɔɔnn po, ki binba peeb bonpipebit joont poor, ki sapaamm nba jeen naayaka foo sinsuuk ni.

Yaŋ 69:16

Yennu, jiin a lomm nba ki gbent na ki turin gatu; jiin a ninbatinchiɔŋ na ki ŋmant n paak.

Yaŋ 96:6

Dontir nan yabinte lintɔ, paŋ nan fante gbee u jiantu ŋasaakak na ni.

Nyinu 33:18

Ŋanne Moses ŋamm boi a, “Chanbaa, ŋaant ki min la a baakir, yentsaakar na ni.”

Hosea 14:2

Jenin ki baar Yennu boor, ki ŋaan i Yenmiaru na-ii tee Yenpiinii ki i teenɔ a, “Nyikin chabit ti yanbɔmm kur, ŋaan gaar ti miaru na, ki tin paka nan taa senn mɔsonn biaŋinba na.

Rom Teeb 12:1

Li paak, n naa waas, Yennu ninbatinu paake te ki n barimi maa yii jii i gbanant ki turɔ, ki lii tee mannu nba fo, kii waa ŋɔɔ kuukɔɔ, ki lin maŋɔ; ŋanne tee Yenjiantu nan barmɔnii.

Rom Teeb 6:19

(Yimm nisaarii nba ki fit bant Yennu maan yian na paake ki n yaa n pak nisaarik yan ki wanni u labaar.) Yaa din jii i mɔŋ ki tuun toonbiit ki li nɔb na, mɔtana, jiin man i mɔŋ kii tuun yentinu toona kii tee popeendamm.

1 Korint teeb 6:20

u daaie; li paak, ii jii i gbanant kii tuun linba sii dont u sann.

Filipi teeb 1:23

Li bona ŋanlee nae daarin: n mantik bo loon man nyik manfosiar nba nae, ki saan kii sakii be Masia boor, ŋanne bo sii ŋan ki gar.

Hiibru teeb 13:15

Li paak, ii ŋaan ki tii dontir Yennu yoo kur Yiisa sann ni; paku nba nyi ti mɔi ni nae tee mannu ki turɔ.

1 Jɔɔnn 3:2

N walonkai, mɔtana ti tee Yennu waase, ŋaan li lek daa ki wann yent taa tan sii be biaŋinba. Ŋaan taa daa mi linbae na, a Yiisa-i taŋi jen, ti tan saa la waa set tee biaŋinbawa, li paak, ti tan saa kpint ki tee nan ŋɔɔ nae.