Yaŋ 62:9 - Yennu Gbouŋ Mɔɔr

⁹ Nisaarik tee nan wamaasin nae, li nijaana nan tarii kur kaa nyɔɔti. Fi-i jiib ki paan bikir paak, bi ki mɔk kpiasu, ki fukii nan wamaasin na.

Yaŋ 62:9 ပူးပေါင်းရင်းမြစ်များ

2 Samuel 15:31

Defid nba din gbat nan Ahitofel pukin Absalom kpikpiruk lor po yoo nba, ki u miar Yennu ki yet a, “Chanbaa Yennu, ŋaant Ahitofel kpaanii n teen yann.”

2 Samuel 15:6

Absalom din tuun nnae ki teen Israel teeb kur nba mɔk maan ki baar nann kpanbar boor a wun turib mɔnii, ki lebitir bi dudukit, ki bi loon u maan.

2 Kpanbara 19:14

Ki kpanbar Hesekia gaar gbouŋ na toomii na boor ki karin. Li poorpo ki u saan Yenjiantu ŋasaakak ni, ki saa paan gbouŋ na Yennu tɔɔnn,

Yaŋ 116:11

Halii yoo nba ki jaŋmaanii soorin ki n yet a, “Sɔɔ kaa ki jaŋ nan bin teenɔ yada.”

Yaŋ 118:9

Li ŋan fin teen Yennu yada, ki chee fii maa tɔɔndamm paak.

Yaŋ 142:3

Mi-i tan yaa man ŋaa tama yoo nba, u mi maa saa teen biaŋinba. N datai pii barite sɔnu nba ki n tɔkii na ni, ki guuntin.

Yaŋ 39:11

A tubdatu nba ki a daar nisaarik tubir u yanbɔmm paak na tee kpaaniie, ki a biir linba ki u loon nan dundura na. Mamɔmm, nisaarik tee nan wamaasin nae.

Yaŋ 39:5

A te ki n manfoor jiŋa. N manfoor fɔkint ki tee siar a boor, nisaarik manfoor tee waaminnae.

Yaŋ 46:2

Li-i lekii tee ki tiŋ damm, ki jɔjaana baa mɔkgbeŋa nba sumii ni,

Yaŋ 71:7

N manfoor tee nyinne ki tur niib bonchiann, kimaan a guun fanu.

Aisaya 26:4

Teent i dindann Yennu ni yaayoo siiyoo, u sii guut yoo kur.

Aisaya 40:15

Yennu boor, digbana tee yanne, li tee nan nyun nba tuu too kpek nae. Kunkona nba see mɔkgbeŋa ni na fukii nan tangbiruŋ nae.

Aisaya 40:17

Digbana na ki tee siar u boori.

Daniel 5:27

Kpaiu paak tee: Bi bikin a kpiau, ki la nan a fukii;

Matiu 21:9

Ki nibur nba gar u tɔɔnn po nan binba din waa u poorpo ji yikin ki yeen a “Hosaana, ii piak man Defid yaaboonn maŋ. Piisin-ii be wunba baat Yennu sann ni na paak. Yimm nba be sanpaapo, ii hoot man a ‘Hosaana.’ ”

Jɔɔnn 19:15

Ki bi yakii ki yaa, “Kpimɔ! Kpimɔ! Kpaamɔ dapunpunn paak.” Ki Pailat boib a, “I kpanbar ki i loon ki n kpaau dapunpunn paaki-i?” Ki mannteeb yudamm na jiin a, “Ti ki mɔk kpanbarsɔɔ see kpanbar yudaanɔ Siisa kuukɔɔ.”

Rom Teeb 3:4

Aaii, li ki want nna kaa. Niib kur-i bonni tee fai damm, ŋaan Yennu ŋarin tee barmɔnpakirɔe. Li waa nan laa sɔb Yennu gbouŋ ni biaŋinba nae a: “Fin Yennu-i pak, bi saa la nan a mɔk mɔnii, ki bii bu a buut, a bia saa di mɔniie.”

1 Samuel 1:15

Ki Hana jiin a, “Li ki tee nna kaa, chanbaa, n tee poo nba be parbiir nba kaa bikinu niŋe. N ki nyuu daan kaa, n mei Yennu-e ki nyint n daamii ki teenɔ.

1 Samuel 18:5

Siaminba kur ki Sɔɔl din tuu tun Defid, u tuu saan ki nyanna. Li paak, ki Sɔɔl jiiu ki teenɔ u kunkɔnkɔnna saakab yenɔ. Linba na din maŋ Sɔɔl jab nan bi saakab kur.

1 Samuel 18:7

Poob na nba kpamm nae ki bi yiin yaŋ na a, “Sɔɔl kpii tusire, ŋaan ki Defid kpii tusaa piik piik.”

1 Samuel 23:12

Ki Defid ŋamm boi a, “Keila doo ni jab saa jii min nan n jab ki kubin Sɔɔl-aa?” Ki Yennu yetɔ a, “Bi saa teena.”