Yaŋ 62:1 - Yennu Gbouŋ Mɔɔr

¹ N tee soonnae ki guu maa Yennu n tinnin, u niŋe ki n tinnu saa nyi.

Yaŋ 62:1 ပူးပေါင်းရင်းမြစ်များ

1 Barkperii 25:1

Kpanbar Defid nan Liifai saakab din gann Liifai naakuut nae, a bin tuu liit kii ŋmakitir Yenjiantii toona: Ŋamme tee Asaf nan Hemann nan Jedutunn naakuut. Ŋamme sii sɔkint Yennu maan, kii biaki faa kɔna nan duunii. Sana nba waa na tee niib nba ki bi din gannib a bin tuu liit jiantii nae, nan toona nba ki koonn kur saa tun:

1 Barkperii 25:3

Ki Jedutunn bonjai tee banloob, ŋamme tee Gedalia nan Seri nan Jesaya nan Simei nan Hasabia nan Matitia, ki bi baa Jedutunn tee bi ŋmakit-tɔɔ, ki bi sɔkint Yennu maan ki bia faa kɔna ki dontir Yennu, ki teenɔ niipoouk.

Yaŋ 121:2

N sommir saa nyi Yennu nba nan sanpaak nan tiŋ na boore ki baar.

Yaŋ 123:2

Ti Yomdaanɔ Yennu, daabjak nba gaa u chanbaa paak biaŋinba, ki daabpook mun gaa u naa paak biaŋinba na; nnae ki ti mun maa a paak nan faa tan saa tinit ninbaauk yoo nba.

Yaŋ 25:5

Wantin ki mii be a barmɔnii sɔnii ni, kimaan fine tee Yennu, ki tee n tinntɔɔ, ki n dindann be a ni daa kur.

Yaŋ 27:14

Teent Yennu yada, cheen a par, kii wakii. Teent Yennu yada.

Yaŋ 33:20

Ti dindann maa Yennu paake, ŋɔɔe tee ti guutɔɔ nan ti sommtɔɔ.

Yaŋ 37:39

Yennu-e tint niŋamm, ki guub yoo nba ki bi be fara ni.

Yaŋ 37:7

Teent sukuru ki guur Yennu ki wun tun. A daa te ki li daamiia binba tuun toonbiit, ki mɔkitir na paaki.

Yaŋ 39:1

N yet a, “N saa soor n mɔŋ nan toona nba ki n tuune, ki bia soor n jerinn nan mabiit paku. N kan yet mɔbonsiar, yoo nba ki nɔɔnbiit damm kpiami.”

Yaŋ 40:1

Ki n guur Yennu sommir po soon nna, ki u gbiint ki gbat n mɔnii,

Yaŋ 62:2

U kuukɔɔe guun, ki bia saa tinnin, ŋɔɔe tee n sommtɔɔ, ki n kan ban baa.

Yaŋ 65:1

Yennu, li ŋan ki tin dont a sann Sayɔnn doo ni. Fine ki ti saa jii ti mɔsona ki tura,

Yaŋ 77:1

N yikin nan kunkɔpaarir ki tur Yennu. N yikin nan kunkɔpaarir, ki u gbiint turin.

Aisaya 12:2

Yennu-e tee n tinntɔɔ, n saa teen ŋɔɔe yada, ki kan tin jaŋmaanii. Yennu-e teenin yiikoo nan paŋ, ŋɔɔe tee n tinntɔɔ.

Aisaya 30:18

Ŋaan Yennu lek guue a wun tini ninbaauk. U teen siir a wun tini ninbaauk, kimaan u yɔɔ tuun linba tooke. Parpeenn be daansiab nba teen Yennu yada na paak.

Aisaya 40:31

ŋaan binba teen bi dindann Yennu ni ki loon sommir na, ŋɔɔ Yennu-e saa ŋamm pant bi paŋ. Bi sii mɔk paŋ nan baakaa nae, ki do sanpaapo. Bi saa tin, ŋaan kan bakii, ki sii somm, ki ki baŋit.

Jeremaya 3:23

Ti ki la sommir ti kunkona paak tingbana jiantii ni. Timm Israel teeb sommir nyi ti Yomdaanɔ Yennu kuukɔɔ boore.

Fabinii 3:25

Yennu ŋan ki tur wunba kur teenɔ yada.

Fabinii 3:38

Bonŋann nan bonbiir kur tuun nan waa senn biaŋinba nae.

Jeems 5:7

N naa waas, ii mɔk sukuru man, kii guu ti Yomdaanɔ baaru daar maŋ. Gotir man kpaarɔ nba tuu mɔk sukuru, ki guu kpafusaak mɔkmɔk nan sajoontik ki u jeet n ji tan nan bonŋann na.