Yaŋ 61:7 - Yennu Gbouŋ Mɔɔr

⁷ Yennu, ŋaant ki wuu tee kpanbar kii be a tɔɔnn nan yoo nba kaa gbennu. Guutɔ nan a kasii binbeŋ nan a lomm nba kaa gbennu na.

Yaŋ 61:7 ပူးပေါင်းရင်းမြစ်များ

Pinpiik 24:27

ŋaan yet a, “N piak Yennu, wunba tee n chanbaa Abraham Yennu ki dia u mɔsonn nba ki u senn tur n chanbaa na. Yennu-e kpan jiin ki saan nanin Abraham nikpiimm boor.”

Pinpiik 32:10

N ki jaŋ nan ŋamm, nan mamɔmm nba ki a tuun ki teen min nba tee a daabir na. Maa din poot Jɔɔdann mɔkir na, n din ki mɔk siar ki pukin n patu po, ŋaan mɔtana ki n jent nan koonn munlee.

2 Samuel 7:26

A sann sii gbeŋ yoo kur, ki niib sii yɔɔ yeen a, ‘Yabint Yennu-e tee Israel Yomdaanɔ,’ ki a tuu saa foon n maaru ki bii tee kpanbara yoo n tuu yoo.

Yaŋ 21:5

U baakir yab, kimaan faa turɔ sommir ki u nyann na paak. Ki a turɔ yugontir nan sann.

Yaŋ 40:11

Yennu, n mi nan a kan nyik a ninbatinu nanimi, ŋaant ki a lomm nan barmɔnii-ii guun yoo kur.

Yaŋ 41:12

A saa sommima, kimaan n tuun linba ŋan, ki a saa te ki mii be a boor yoo kur.

Yaŋ 43:3

A tun a yentu nan a barmɔnii ki lin ŋmakitin, ki jiin ki jen nanin Sayɔnn, a kasii kunkonn na boor, nan a binbeboor nba ki a be na.

Yaŋ 57:3

U saa toon Yendɔuŋ ni ki tinnin, ki nyann n datai. Yennu saa turin u lomm nan u barmɔnii.

Barjokit 20:28

Kpanbar nba saa dia u niib nan lomm nan barmɔnpaku ki lukitin kaa biaŋinba na, nnae ki u naan saa wei.

Maika 7:20

A saa wann a ŋant nan lomm nba kaa gbennu ki tur a niib, binba tee Abraham nan Jakɔb yaaboona na, nan faa din senn mɔsonn ki tur ti yeejamm sianyoo biaŋinba na.

Barŋanii nba ki LUK din sɔb nae na 1:33

ki u sii tee Jakɔb yaaboona ni kpanbar mɔkmɔk nan mɔkmɔk, ki u naan bia kan mi gbenni.”

Hiibru teeb 9:24

Nisaarik nba din ŋamm boor nba tee kasii ki nannir nan Yendɔuŋ ni bont nba tee li barmɔnii na, Masia din ki saan kɔɔ leŋ kaa, ŋaan u din saan kɔɔ Yendɔuŋ mɔŋ mɔŋ nie, siaminba ki u be Yennu tɔɔnn, ti paak na.