Yaŋ 59:3 - Yennu Gbouŋ Mɔɔr

³ Gotir baa dɔɔ ki guu biaŋinba, a bin kpin. Toonbiit damm tikii a bin biirin. Li ki tee a n tun yanbɔmm koo ki biir siar kaa.

Yaŋ 59:3 ပူးပေါင်းရင်းမြစ်များ

Yaŋ 140:2

Yoo kur bi lorin biite, ki baat nan kɔna yoo kur.

Yaŋ 2:2

Bee ki niib lorin lora nba kaa nyɔɔti? Ki bi kpanbara nan bi yudamm lorin lorbiit ki jiin Yennu nan daanɔ nba ki u gannɔ na po,

Yaŋ 38:12

Binba loon ki bin nyinn n manfoor na pii barite ki guuntin, ki binba loon bin paanin daŋ na lorin daa kur a bin biirin.

Yaŋ 56:6

Ki bi taant leeb ki bɔriin, ki gorii n sommir ni, nan baa saa teen biaŋinba ki kpin.

Yaŋ 69:4

Binba namin ki li ki mɔk paak na yab ki gar n yur paak yuta; niib bonchiann tee n datai ki namin, ki li ki mɔk paaki, ki tee binba loon ki bin biirin, ki mianin a man jiin maa ki jan linba.

Barjokit 12:6

Toonbiit damm mɔbona tee kuume, ŋaan ki yentinna mɔbona tee manfoor ki teen binba ki bi lorin bonbiir bi paak na.

Barjokit 24:15

A daa tee nan nibiit nba lorin a bin fat niŋanɔ, koo ki fat u ŋaak na.

Maika 7:2

Niŋanɔ ji ki biar tiŋ na paaki, sɔɔ ki be ki waa Yennu. Sɔɔ kur guue a wun la yaak ki kpi kuun. Ki sɔɔ kur pii baruk ki guunt u naa bik.

Jɔɔnn 15:25

Linba na teen nnae, a baa din sɔb linba n po bi sennu ni na n fit teen mɔnii a: ‘Bi namin, ki li ki mɔk paaki.’

Toona 23:21

Ŋaan a daa fiin bi po, kimaan Juu tesiab yab ki gar jab piinnawa, binba saa bɔr guu a bin kpiu. Bi kura por pore, ki yaa bi kan di jeet koo ki nyu siari, see ki bin tan kpiiuwa. Bi kpan teen siirewa ŋaan ji guu a mɔb.”

1 Samuel 19:1

Sɔɔl din yet u bija Jonatann-e nan u kunkɔnkɔnna saakab kur a bin kpi Defid, ŋaan Jonatann din loon Defid maan,

1 Samuel 24:11

Gotir, n baa. A la a liatchabir nba ki n dia nawa. N bo saa fit kpiia, ki n nyika, ŋaan pot a liatir mɔgbann. Mɔtana, a ji bann nan n ki dukii bonbiir ki jiin a po, n bia ki yêen a mɔb. N ki biir a siar, ŋaan ki a waa beerin a fan kpin.

1 Samuel 24:17

ki yet Defid a, “A mɔk mɔnii, mine mɔk biit. A tun ki ŋammima, ŋaan ki min tuun biira.

1 Samuel 26:18

ki bia yet pukin a, “Bee ki n yomdaanɔ waa beer min u daabiri? N tun bee? N tun bonbilanne?