Yaŋ 58:11 - Yennu Gbouŋ Mɔɔr

¹¹ Ki niib ji saa yet a, “Barmɔniie, kasii damm gaan bi paatii; barmɔnii, Yennu nba bu tingbouŋ na buut na set be.”

Yaŋ 58:11 ပူးပေါင်းရင်းမြစ်များ

Yaŋ 107:42

Niŋamm laat na, ki mɔk parpeenn, ŋaan ki biit damm na kur muu bi mɔi.

Yaŋ 18:20

Yennu pa paatii ki teenin, kimaan n tuun linba tooke, u tee piisin n paak, kimaan n ki mɔk biiti.

Yaŋ 33:18

Yennu gorii binba saak u mɔbe, ki bia gorii binba mɔk dindann nan u lomm nba ki u teen yoo kur na.

Yaŋ 52:8

Min ŋarin tee nan kpan tiik nae, ki see Yennu ŋasaakak ni. N yada yɔɔ be u lomm nba be mɔkmɔk nan mɔkmɔk na nie.

Yaŋ 64:9

ki jaŋmaanii saa soor nisaarik kur, ki bi saa mɔɔnt Yennu toona nba tee, ki bia dukin waa tun toona nba.

Yaŋ 67:4

Ŋaant ki digbana teeb-ii mɔk parpeenn ki yin yanii nan kpinkpammuk, kimaan a bu niib buut nan barmɔnii, ki bia ŋmakitir digbana kur tingbouŋ na paak.

Yaŋ 68:24

Yennu, niib kur la a nyannu sommira. N la a nichiɔŋ na somm saa fin Yennu nba tee n kpanbar na kasii ŋaak ni,

Yaŋ 9:16

Yennu kasii buut niŋe ki u fiit u mɔŋ ki wann. Ŋaan biit damm na tuu baa bi tiɔŋ toona nie.

Yaŋ 9:8

U dia tingbouŋ na nan popeenne, ki bu niib buut nan li sɔnu.

Yaŋ 92:15

Ŋanne want nan Yennu ŋan, n guutɔɔ maŋ ki mɔk siara biit u ni.

Yaŋ 94:2

Fine tee nisaarii kur barbuurɔ, fiit ki tur biit damm na, baa jaŋ nan linba.

Yaŋ 96:13

yoo nba ki Yennu saa baar a wun dia tingbouŋ na. U saa dia durinya na niib nan mamɔmm nan ŋante.

Yaŋ 98:9

kimaan u baate a wun bu niib buut. U saa dia durinya na nan mamɔmm nan ŋante.

Aisaya 3:10

Niŋamm para sii peene, ki bona saa fanu ki turib. Bi saa di linba ki bi tun na nyɔɔte nan parmaasir.

Malakai 2:17

I mantik ŋaan Yennu bak nan i pinpakita, ŋaan ki i bia boi a, “U bak nant nlee?” I yeen a, “Yabint Yennu dukii a toonbiit damm kur tee niŋamme, barmɔnii, u loomm,” koo ki boi a, “Yennu nba teen niib bi mɔnii na be lia?”

Malakai 3:14

I yet a, ‘Yenweiu ki mɔk nyɔɔti. Nyɔlante ki ti saa la, li-i tee ki ti tuun waa wann linba, koo li-i tee ki ti yiab a tin wann Yabint Yennu nan ti mɔk biit nan taa tun linba.

Rom Teeb 2:5

Ŋaan a par wakii, ki a lek ki sak nan fan nyik toonbiit tumu, li paak, a pukii a mɔŋ tubdatu nba ki a tan saa la, daar nba ki Yennu wutoor saa nyi paanu, ki u saa bu niib buut nan barmɔnii nae;