Yaŋ 51:19 - Yennu Gbouŋ Mɔɔr

¹⁹ Ki li saa te ki a mɔk parpeenn nan maruŋ nba ŋan, nan mujoonu piinii, ki bi sii kpi naajai ki mann maruŋ, a binbintir na paak.

Yaŋ 51:19 ပူးပေါင်းရင်းမြစ်များ

2 Kpanbara 22:19

ki lebit, ki mɔ kɔɔ biit maŋ paak, ki sikin a mɔŋ n boor, ki pat a tiat ŋaan bui, yoo nba ki a gbat maa lor man dat Jerusalem nan li niib tuba biaŋinba na. N saa teenir boor nba sii mɔk yanputuko, ki nisaarii saa jii boor maŋ sann ki teen mɔtont. Ŋaan fin ŋarin, n gbat a miaruwa,

Yaŋ 118:27

Yennu-e tee ti Yomdaanɔ, u tun ŋane ki turit. Ii dia faat i nii ni, ki piin jaamm na, kii somm kii lintir maruŋ binbintir na.

Yaŋ 34:19

Niŋanɔ mɔk daamii bonchiann, ŋaan Yennu-e nyintɔ daamii maŋ kur ni.

Yaŋ 4:5

Mant maruŋ nba took ki tur Yennu, ŋaan teenɔ yada.

Aisaya 57:15

“Mine tee Yenjaann, ki bia tee kasii, ki yɔɔ be. N be sanpaapoe, siaminba tee kasii, ŋaan n bia be nan niib nba sikint bi mɔŋ ki nyik bi biit, a man maan bi para ki turib dindann.

Aisaya 66:2

N tiɔŋo nan durinya na kur. N par mei nan binba sikint bi mɔŋ ki mɔ kɔɔ bi biit paak nae, ki tee binba tiinin ki saak n mɔb na.

Malakai 3:3

U saa baar ki bu ti buut, nan baa tuu pur salimpeena muu ni ki ŋammir biaŋinba nae. Sakurtɔɔ nba tuu ŋamm salimmɔna nan salimpeena biaŋinba na, nnae ki toomu maŋ saa ŋamm mannteeb ki bin ji fit baar nan piinii nba took ki tur Yennu.

Rom Teeb 12:1

Li paak, n naa waas, Yennu ninbatinu paake te ki n barimi maa yii jii i gbanant ki turɔ, ki lii tee mannu nba fo, kii waa ŋɔɔ kuukɔɔ, ki lin maŋɔ; ŋanne tee Yenjiantu nan barmɔnii.

Efesus teeb 5:2

ki ŋaan ki lomm-ii dia-i, nan Masia nba din loont bonchiann, ki gaar ti paak ki kpo, ki teen maruŋ nba ki Yennu loon na.