Yaŋ 50:21 - Yennu Gbouŋ Mɔɔr

²¹ I tun linba na kurawa, ŋaan n ki yet siari, ki i ji dukin nan n mun tee nan yimm nae. Mɔtana, n saa yakii naniwa, ki kat wanni, i numm ni.

Yaŋ 50:21 ပူးပေါင်းရင်းမြစ်များ

JOB labaar 34:33

Faa yêt toona nba ki Yennu tuun na, nlee ki a dukii nan u saa tun faa loon linba? Li tee fine n dukin, n yar kaa; betirit mɔtana faa dukin linba.

Yaŋ 50:3

Ti Yennu baate, ŋaan u kan baar soon nna, muu sii die ki be u tɔɔnn, ki wonpaaruk da ki lintirɔ.

Yaŋ 50:8

N ki yakii nani i maruŋ paak, koo i mujoonu piinii nba be n tɔɔnn po na paak kaa.

Yaŋ 73:11

Bi yeen a, “Yennu kan banni; wunba tee Yabint Daanɔ na kan banni.”

Yaŋ 90:8

A bir ti yanbɔmm a tɔɔnn po, ki bir ti bunbɔr yanbɔmm yeenin ni, siaminba ki a sii laatir.

Nyinu 3:14

Ki Yennu yetɔ a, “N tee maa tee wunbae. Li kpaa talas fan pak linba na ki turib a wunba sann yi ‘MINE TEE’ nae tumin i boor.

Barjokit 29:1

Bi-i kpaana yoo kur ki a tee tubkpaasuk, dasiar a tan saa kɔɔ biiru nie, ki gbar nyinu.

Banntɔɔ 12:14

Yennu tan saa bu linba kur ki ti tuun na buuta, nan linba ki ti lek tumir bunbɔnn ni, laa lek tee bonŋann koo bonbiiri.

Aisaya 26:10

Faa lek ŋan ki tur biit damm na, ŋaan bi ki bann bin tun linba tooki. Niŋamm tiŋ na ni gbaa, ŋaan bi tuun biite; bi yêt bin sak a yiikoo nba teewa.

Aisaya 42:14

Ki Yennu yet a, “N ŋmin ki li wei bonchiann, ki ki tur n niib gatu. Ŋaan mɔtana, yoo baar nan man tun n toonn na; n yikin nan poo nba tuu yaa wun mar nae.

Aisaya 57:11

Ki Yennu yet a, “Tingbana na tee lanne, ki jeenti, ki te ki i fa fai, ki ji ki jiantirin nan waama? Maa tee soon nna ki li wei nae, ki i nyik ki ki baakitimi-i?

Jeremaya 2:23

A saa teen nlee ki yet nan a ki biir a mɔŋi, ki bia ki jiant tingbann nba tee Baal na? Gotir faa tun biit biaŋinba baauk na ni. Gotir faa tun linba. A tee nan muuk ni laagumii nba ki u poor sooru yoo-i baar, ki u lin tiin yann,

Amos 8:7

Israel teeb Yomdaanɔ Yennu por a, “N kan ban tamm bi toonbiit po,

Nikant 23:19

Yennu ki tee nan nirɔ na kaa, ki saa faar faaki, koo ki tee nan nisaarik bik na, ki saa lebit u dudukiti. Linba kur ki u senn mɔsonn, u tuu tume. U yeen, ki li tuun.

1 Korint teeb 4:5

Li paak, i daa bu sɔɔ buut mɔtana, kii guu yoo nba ki ti Yomdaanɔ tan saa baar na, ŋɔɔe tan saa jii linba be bunbɔnn ni ki wannir paanu ni, ki fiit para ni maan paanu ni. Li yooe, sɔɔ kur tan saa la u nyɔɔt nba tee linba Yennu boor.

2 Piita 3:9

Nisiab dukii a li yukir nan Yennu n tun mɔsonn nba ki u din senn nawa, ŋaan li ki tee nna; u mɔk sukurue nani; u ki loon sɔɔ n tan kɔɔ muu ni, u loon ki sɔɔ kur n nyik u biite ki tinn.

Fiitu 3:19

Binba kur ki n loonib na, n kpaamme ki daar bi tuba. Li paak, nyikin man i toonbiit ki daa jerimi.