Yaŋ 50:15 - Yennu Gbouŋ Mɔɔr

¹⁵ Ii tuu yiin min Yennu yoo nba ki i la daamii, ki n saa fati, ki i sii baakitin.”

Yaŋ 50:15 ပူးပေါင်းရင်းမြစ်များ

2 Kpanbara 20:2

Ki Hesekia ŋmant u numm ki tor dikpinn, ŋaan miar Yennu a,

2 Barkperii 20:9

nan li-i tee ki bonbisiar baarib, ki tee tɔb, koo yiarbiiuk, koo kon, a lin dat bi tuba, bi saa fit kɔɔ ki tan set ŋasaakak na tɔɔnn po, siaminba ki bi jiantira na. Bi saa miara, yoo nba ki bi be daamii ni, ki a saa gbat ki fatib.

JOB labaar 22:27

Yoo nba ki a miarɔ, u saa tura gatu, ki a mun sii dia mɔsonn nba ki a lor nanɔ.

Yaŋ 107:19

Bi daamii maŋ nie ki bi yiin Yennu, ki u nyinnib bi fara ni,

Yaŋ 107:28

Bi daamii maŋ nie ki bi yiin Yennu, ki u nyinnib bi fara ni.

Yaŋ 120:1

Maa be daamii ni yoo nba, n yiin Yennu-e, ki u turin gatu.

Yaŋ 22:23

Yimm nba tiin Yennu jaŋmaanii, ii dont u sann. Binba tee Jakɔb maaru kur, ii baakit u sann; yimm nba tee Israel teeb, ii jiantɔ.

Yaŋ 34:5

Ki binba kur ki li diimm na kpaa numm ki goriiɔ, ki li maŋib; bi kan ban di fei.

Yaŋ 34:7

Yennu malaka guu damm nba baakit ŋɔɔ Yennu, ki u nyintib ninbɔŋ ni.

Yaŋ 4:2

Yimm niib na, taar munŋaae ki i sii dintin fei? Taar munŋaae ki i sii loon linba kaa nyɔɔti, ki bia waa linba ki tee barmɔnii?

Yaŋ 50:23

Niipoturue tee maruŋ nba baakitin, ki n set saa tinn binba kur saak n mɔb.”

Yaŋ 77:2

N wahala yoo, n mei Yennu, ki dont n nii nyɔtunmunn ki meiɔ, ŋaan ki ki laat pardɔɔnni.

Yaŋ 77:3

Mi-i dukin Yennu po yoo nba, n tuu kuriie. Mi-i dukin Yennu po, n gbanu tuu chɔke.

Yaŋ 81:7

I yiinin yoo nba ki i be wahala ni, ki n tinni, ki n be wonpaaruk ni, ŋaan gat ki turi, ki bikini Meriba nyun boor.

Yaŋ 86:5

Yennu, a mɔk nyikinchab, ki ŋan turit, ki a lomm gbee nan wunba kur miara.

Yaŋ 86:7

N wahala yooe ki n saa yiina, kimaan a saa turin gatuwa.

Yaŋ 91:15

Bi-i yiinin, n saa turib gatu; bi-i kɔɔ daamii ni, n sii be namm, ki nyinnib, ki te bin la baakir.

Jeremaya 39:17

Ŋaan min Yennu-e sii guua, ki bi kan soora ki tur jab nba ki a tiimm na.

Sekaria 13:9

Ki n saa bikin bɔkyenn nba biar bi manfoa ni na, ki ŋammib, nan biaŋinba ki bi tuu pur salimpeena muu ni ki ŋammir na. N saa bikimm nan baa tuu bikin salimmɔna biaŋinba nae, ki bi ji saa miarin, ki n gat bi miaru maŋ. N saa betib nan bi tee n niibe, ki bi saa jiin a mine tee bi Yennu.”

Matiu 5:16

Ii muni be nna; ŋaant ki i yentu n yent tur nisaarii, ki bii laat i toonŋana kii dont i Baa Yennu nba be sanpaapo na.

Barŋanii nba ki LUK din sɔb nae na 22:44

U din dii biak bonchiann ki miar Yennu nan u yaak kur, ki naauk tan pu ki toot ki naan sɔn.

Jɔɔnn 15:8

Li-i tee ki i loon lɔɔna bonchiann, ŋanne saa wann nan i set tee n poorpoweiteeb nan barmɔnii, ki n Baa Yennu saa la dontir.

Toona 16:25

Laa din tan baar tansuunii, ki Pɔɔl nan Sailas mei Yennu ki yiin yanii ki piakɔ, ki dansarkɔɔleeb na ji gbiin.

Jeems 5:13

Sɔɔ-i be i ni ki mɔk parbiir, wun miar Yennu. Wunba mun mɔk parpeenn, wun yin yanii ki pak Yennu.

1 Piita 4:11

Wunba ki Yennu sennɔ a wuu mɔɔntir barŋanii na, wuu mɔɔntir linba ki Yennu teenɔ nae; wunba mun ki Yennu sennɔ a wuu sommit leeb, wuu sommitib nan u paŋ nba ki Yennu teenɔ na, ki Yennu n la paku bonsiar kur ni, Yiisa Masia paak; ŋɔɔ Yennu-e yen paku nan paŋ kur mɔkmɔk nan mɔkmɔk. Mamɔmm.

1 Piita 4:14

Bi-i sukii-i Masia sann paak, parpeenn tee i yare, kimaan Yennu Seyeeŋ nba mɔk paŋ bonchiann na be i ni.

Barbuura 15:19

Ki Yennu loot nyuntonn, Lehi doo ni, ki nyun nyii leŋ, ki Samsonn nyuu, ki u paŋ ŋamm jen, ki u foor. Ki bi pur nyuntonn maŋ sann Hakore, ki li bia daa be Lehi nan dinna.