Yaŋ 5:11 - Yennu Gbouŋ Mɔɔr

¹¹ Ŋaan binba kur teena yada na be nan parpeenn, ki saa fit yin parpeenn yanii. Ii guu daansiab nba loona na, kimaan a paake ki bi mɔk parpeenn.

Yaŋ 5:11 ပူးပေါင်းရင်းမြစ်များ

JOB labaar 38:7

Li daar sanyafaare ki ŋmaabira lakin ki yin yaŋ, ki malakanba yikin nan kpinkpammuk.

Yaŋ 2:12

ki gbaan jiantɔ nan gbananjekiruk. Nna-i kaa, u wutoor saa doe yiama ki yin kpo. Parmaasir be daansiab nba baat Yennu boor a wun nyinnib ninbɔŋ ni na paak.

Yaŋ 35:27

Ŋaant binba loon ki min nyi wahala ni na, bii yikin nan parpeenn, ki tuu ŋamm yet a, “Yennu-e yen dontir, ki u par mei nan u daabir n la nyannu.”

Yaŋ 40:16

Ŋaant ki binba kur baat a boor-ii mɔk parpeenn kii kpamm. Ŋaant ki binba kur mɔk niipoturu a tinnu paak-ii tun kii yeen a, “Yennu tee Yenjaanne.”

Yaŋ 58:10

Kasii damm sii mɔk parpeenn, li-i tee ki bi la yanbɔndamm be tubdatu ni, li yooe ki bi saa somm toonbiit damm sɔn ni.

Yaŋ 65:13

ki bonkob-kpaaŋ na gbee nan pei, ki baat na mun gbee nan jeet; ki bona kur kpamm ki yiin yanii nan parpeenn.

Yaŋ 68:3

Niŋamm na ŋarin-ii mɔk parpeenn, kii kpamm Yennu tɔɔnn. Bii mɔk parpeenn kii yikin nan kpinkpammuk.

Yaŋ 69:36

ki u toontunna na yaaboona saa yent tiŋ na, ki niib nba loonɔ, ŋamme saa kɔɔ leŋ.

Sekaria 9:9

Sayɔnn teeb, ii mɔk kpinkpammuk man. Jerusalem teeb, ii yikin man nan parmaasir. Gotir man, i kpanbar nae baat i boor na. U tee yiikoo daanɔe ki mɔk nyannu, ŋaan u tee wunba sikint u mɔŋe, ki jak boŋ nba set tee bonpaaŋ.

Rom Teeb 8:28

Binba ki Yennu yiimm na, u mɔk linba paak ki u yiimme, ki bi mɔk lomm nanɔ, ki ti mi nan linba kur tuun, u te ki li tee bonŋann ki teen ŋamme.

1 Korint teeb 2:9

Li sɔb Yennu gbouŋ ni a: “Linba ki nirɔ ki la, ki bia ki gbati, linba ki nirɔ ki dukin a li saa fit teen na, ŋanne ki Yennu teenir siir ki guun binba loonɔ na.”

Jeems 1:12

Binba nyann bikinu, parpeenn tee bi yare, kimaan Yennu saa turib nyɔɔt nba tee manfoor nba ki u din senn mɔsonn a u saa tur binba loonɔ na.

Jeems 2:5

N naa walonkai, gbiintir man, Yennu-e gann binba tee nandamm tingbouŋ na niib boor, a bin teen mɔkita u boor, kimaan bi teenɔ yadae, ki teen u waas nba saa di naan nba ki u senn mɔsonn a u saa tur binba loonɔ na.

Fiitu 18:20

Yendɔuŋ ni teeb, nan Yennu niib, nan u sɔkiniinba, nan Yiisa toomiinba, ii mɔk parpeenn man, kimaan Yennu bu dogbeŋir maŋ buut ki biirɔ ki turiwa.

Barbuura 5:31

“Yennu, ŋaant ki a datai kur n kpakin yann, ki ŋaan binba loona na, bii nyirii nan yonkpana na.” Li poor po parmaasir ji din be tiŋ na paak, bina piinna.