Yaŋ 46:6 - Yennu Gbouŋ Mɔɔr

⁶ Yennu kunkɔr tant, ki tingbouŋ nann, ki jaŋmaanii soor niib na, ki digbana baa.

Yaŋ 46:6 ပူးပေါင်းရင်းမြစ်များ

2 Kpanbara 19:34

N saa kɔn doo na paak, ki saa tekirir, kimaan n tiɔŋ baakir paak, nan mɔsonn nba ki n senn ki tur n toontunnɔ Defid na paak.’ ”

2 Barkperii 20:1

Li din yann waame, ki Moab nan Amonn kunkɔnkɔnna, ki pukin bi somm teeb nba tee Meun teeb na, ki bi lek Juda,

Yaŋ 125:1

Damm nba teen Yennu yada, li damm tee nan Sayɔnn kunkonn nba kan ban damm, koo ki nyat nae.

Yaŋ 18:13

Ŋanne Yennu tian; ki sɔɔ kur gbat Yabint daanɔ Yennu kunkɔr;

Yaŋ 68:33

ki tur ŋɔɔ nba jaak yaayoo ni sanpagbouŋ paak na. Gbiintir u satian-paarii.

Yaŋ 68:8

tingbouŋ din jeke, ki sanpagbouŋ loot, ki saak baa, kimaan fin Yennu nba yen Sainai jɔɔr na din baate, fin nba tee Israel teeb Yennu na.

Yaŋ 97:5

Jɔfɔkit tuu nanne nan kpan na, Yennu nba tee tingbouŋ na kur Yomdaanɔ na tɔɔnn.

Aisaya 31:5

Biaŋinba ki nɔɔŋ tuu baŋ u tiɔk paak a wun guur u waas na, nnae ki min Yabint Yennu saa guur Jerusalem ki kɔn li paak.”

Aisaya 33:20

Gotir Sayɔnn, doo nba ki ti tuu di Yenjiantu jaamm leŋ na. Gotir Jerusalem. Leŋ benu kii mɔk daamii. Li sii tee nan lanbouŋ nba yɔɔ be nae, linba dachaata ki chaatir, ki li ŋmiit ki cheen na.

Jeremaya 25:30

“Li kpaa talase ki fin Jeremaya n mɔɔnt linba kur ki n paka. Li tee fan pak niib nae a, ‘Yennu sii be sanpaapo ŋaan gaar jat, ki tian sanpagbouŋ ni. U saa gaar jat, u niib paak, ki hoot nan nirɔ nba tuu ŋmaan mat daan tilɔɔna ki hoot biaŋinba na. Tingbouŋ na ni, sɔɔ kur saa gbat u kunkɔr,

Esekiel 48:35

Ki doo na joona ŋanna na fɔkint taan tee maar ŋanloob. Laa nyii dinna ki saa, doo na sann sii tee “Yennu-be-nna-na.”

Joel 2:11

Ki Yennu kunkɔr tantir u kunkɔnkɔnna na paak, ki kunkɔnkɔnna nba sak u mɔb na yab bonchiann ki bia paar. Li tan sii bi bonchiann Yennu daar na ni. Lamme tan saa nyi li ni?

Amos 1:2

Ki Amos yet a, “Yennu kunkɔr nyi Sayɔnn kunkonn po, ki tantir ki nyi Jerusalem po. Ki bonkobit kpinkpaar boa koor wak wak, ki mɔɔt nba be Kamel kunkonn paak na mɔnn.”

Amos 9:13

Yennu ŋamm yet a, “Yoo baate, ki bi tuu tan sii jaan jeyent ki gbent na, ki jeleet kpaan nan jaanuwa. Ki daan tiinii saa lon bonchiann, ki bi kan fit jii li kur ki ŋaa daami. Ki damanin sii nyi jɔɔt nan kunkona paak ki puub.

Amos 9:5

Yomdaanɔ Yabint Yennu tuu sii tingbouŋ nae ki lin jekir, ki binba kur be li ni na bui fabin. Ki durinya na kur saa do ki tan ŋmat sik nan Ijipt mɔkir na.

Maika 1:4

Ki jɔjaana na saa nann u yaaka ni, nan sagbouŋ nba tuu baa muu ni ki nann biaŋinba na. Jɔɔt na saa kpaar sik baat, nan nyun nba tuu nyi kunkonn paak ki kpaar sik biaŋinba na.

Nahum 1:5

Ki jɔfɔkit jekir Yennu tɔɔnn, ki kunkona tuu nann u numm ni. Yennu-i lekit yoo nba, tiŋ tuu jekire; ki durinya na nan li niib kur jekir nan jaŋmaanii.

Sennu 7:21

Li paak, i daa tiin niib maŋ, kimaan i Yomdaanɔ Yennu be nani. U tee Yenjaanne, ki tee wunba ki i sii tiinɔ ki teenɔ baakir.

Joosua 2:11

Taa din tan gbat li po na, jaŋmaanii din soorite, ki ti kura ji ki mɔk parcheenn, kimaan i paak. I Yomdaanɔ Yennu-e yen sanpaak nan tiŋ.

Joosua 2:24

ki bia yet a, “Ti mi nan Yennu jii tiŋ na kur ki turita. Niib nba kur be leŋ na tiinit jaŋmaaniie.”

Joosua 2:9

ki saa yetib a, “N mi nan Yennu jii tiŋ na turiwa, wunba kur be tiŋ na ni, li ji mɔkɔ jaŋmaaniie, kimaan i paak.

Fiitu 20:11

Ki n bia la naangboungbeŋir nba peen bonchiann, nan wunba kar li paak na; ki tingbouŋ nan sanpaak mir bot u tɔɔnn, ki sɔɔ ji kan mi lar.