Yaŋ 45:3 - Yennu Gbouŋ Mɔɔr

³ Kpanbar jaann, fine mɔk baakir, ki a yur goon.

Yaŋ 45:3 ပူးပေါင်းရင်းမြစ်များ

JOB labaar 1:16

U yeen ki saa gbent na, ki sɔɔ toontunlɔɔ baara, ki yet a, “Saak sik pei nan pekpaarii na paaka, ki kpii bi kura, ki min kɔɔe biar ki baar maa min beta.”

Yaŋ 104:1

N seek, pakin Yennu. N Yomdaanɔ Yennu, a yab bonchiann.

Yaŋ 145:12

ki lin te sɔɔ kur n bann a paŋ toona, nan a naangbouŋ baakir nan yiikoo po.

Yaŋ 145:5

ki pak a baakir nan a yabint po, ki n sii dukii a bakitnauŋ toona po.

Yaŋ 21:5

U baakir yab, kimaan faa turɔ sommir ki u nyann na paak. Ki a turɔ yugontir nan sann.

Yaŋ 21:7

Kpanbar jikit u yada ki tee yabint daanɔ Yennu niŋe, kimaan Yennu lomm paak, ki siar kan ban dammɔ.

Yaŋ 96:6

Dontir nan yabinte lintɔ, paŋ nan fante gbee u jiantu ŋasaakak na ni.

Yankpaŋii 2:3

Tilontii nba ŋan ki gar tilei biaŋinba na, nnae ki n yɔɔk fan ki gar jaleeb. N loon ki mii kaar u maasu, ki u lɔɔna na-ii man n mɔb ni.

Yankpaŋii 5:13

U kpianii na mɔk fant ki tee nan kpaab nba gbee nan kpinfaat nan baarii na. Ki u mɔgbana tee nan tipuuk nba ki bi gbar mir tulaar-nyun na.

Aisaya 49:2

U te ki n mɔbona man nan banjiak nae. U dia u tiɔŋ nuue ki guun. U teenin nan peenu nae, ki n porin ki teen siir nan yeku.

Toona 10:36

I mi nan Yennu din tur Israel teeb u maan nba want barŋanii na po, a Yiisa Masia nie ki timm nan Yennu maŋ nan leeb; ŋɔɔ Yiisa Masia-e tee ti kur Yomdaanɔ.

Rom Teeb 14:9

Masia din kpo ki bia fiir kuun ni a wun teen footib nan kpeemm Yomdaanɔe.

Hiibru teeb 1:3

Ŋɔɔe tee Yennu mɔŋ mɔŋ ninnauŋ, ki yentir Yennu maŋ yentu na, ki dia durinya yaka kur nan u mɔmaan nba mɔk paŋ. Waa din tun linba saa te ki niib n la nyikinchab bi biit paak yoo nba na, ki u ji kar Yabint Yennu niidiitu po, Yendɔuŋ ni.

Hiibru teeb 4:12

Yennu mɔmaan maŋ tee barii nba foe, ki mɔk paŋ, ki bia di ki gar jukbanjiak nba ŋma mɔi ŋanlee na. Yennu mɔmaan fit ŋma ki kɔɔ baat nisaarik seek nan u manfoor boor ni, ki kɔɔ baat u tukita nan u kpaba beesin ni, ki kɔɔ bɔkitir u dudukit nan u par ni bibikit.

Hiibru teeb 8:1

Barii na barnɔɔk want nan ti mɔk manntɔyudaanɔ nba tee nna mun, ki kar Yennu nba mɔk paŋ kur na naangbouŋ niidiitu po, Yendɔuŋ ni,

Juud 1:25

ŋɔɔ nba tee Yen-yenɔkɔɔ ki tinnit ti Yomdaanɔ Yiisa Masia paak na, u yen paku nan yent nan paŋ nan bont kur yudant, yoo nba din gar na, nan mɔtana, nan mɔkmɔk nan mɔkmɔk. Mamɔmm.

Fiitu 1:16

Ki u kub ŋmaabira ŋanlore u niidiitu, ki jukbanjiak nba di mɔleemii tant nyii u mɔb ni, ki u numm po yeen nan yonnu nba tuu yeen yonsuuk ni na.

Fiitu 19:15

Ki jukbanjiak nba di bonchiann tant ki nyii u mɔb ni, ki u saa jiir ki kɔn nyann nibooru kur, ki yentib nan paŋ, ki saa ŋmakirib siaminba ki bi ŋmakii tilɔɔna na, ki li tee Yennu nba mɔk paŋ kur na wutochiɔŋ.

Fiitu 19:21

Ki wunba jak taamm, ki jukbanjiak tant nyii u mɔb ni na, jii jukbanjiak maŋ ki kpii binba biar na, ki nɔɔnii na dii bi gbanant ki tan gboo.

Barbuura 3:16

Ehud din kur jukbanjiak nba fɔkint tee kpinkpandukinne, ki jii bɔkin u pann, liatir ni, niidiitu po,