Yaŋ 40:9 - Yennu Gbouŋ Mɔɔr

⁹ Yennu, a niib kur tintaanu niŋe, ki n pak a barŋanii nba jiin faa tinnit na po. A mi nan n kan fit nyik li paku.

Yaŋ 40:9 ပူးပေါင်းရင်းမြစ်များ

Yaŋ 119:13

N saa pak a sennii nba ki a turit na nan kunkɔsaakar.

Yaŋ 139:2

A mi linba kur ki n tuun; fi-i lekii be banfɔkira, ŋaan a bant n dudukit.

Yaŋ 22:22

Ki n saa wann n niib faa tun ŋamm nba ki turin, ki saa dont a sann bi tintaanu ni.

Yaŋ 22:25

Nibur tintaanu niŋe ki n saa pak a sann linba ki a tun turin na paak, ki jii n piinii nba ki n senn mɔsonn na, ki mann maruŋ niib nba jiantira na tɔɔnn.

Yaŋ 35:18

N saa tura niipoouk a nibur tintaanu ni, bi kura sinsuuk niŋe ki n saa tura dontir.

Yaŋ 37:31

ki u dia Yennu sennu u par ni, ki ki nyikin.

Jeremaya 31:33

Mɔlorpaann nba ki n saa lor nan Israel teeb na sii tee nnae: n ji saa teen n sennii maŋ bi dudukit nie, ki sɔbir bi para ni. Mine sii tee bi Yennu, ki bi tee n niib.

Jɔɔnn 21:17

Ki taar muntaa ni ki Yiisa boiɔ a, “Simonn, fin Jɔɔnn bija, a loonimi-i?” Ki Piita par ji biir, kimaan Yiisa nba boiɔ taar muntaa a, “A loonimi-i?” na. Ki u yetɔ a, “N Yomdaanɔ, a mi bonsiar kur. A mi nan n loona.” Ki Yiisa betɔ a, “Ii dint n pei.

Hiibru teeb 2:12

U bet Yennu a, “N saa wann n niib faa tun ŋamm nba ki turin, ki saa dont a sann bi lakinn ni.”

Joosua 22:22

“Yabint daanɔe tee Yennu, ŋɔɔe tee ti Yomdaanɔ. Yabint daanɔe tee Yennu, ŋɔɔe tee ti Yomdaanɔ. U mi linba paak ki ti maa maruŋ binbintir na, ŋanne teen ki ti loon yin mun bann. Li-i tee ki ti yêt ki ki dia Yennu fanu, i daa te ki ti be ti manfoor ni.