Yaŋ 39:6 - Yennu Gbouŋ Mɔɔr

⁶ Nisaarik tee nan yinyuŋ nae, waa tuun linba kur tee yanne. U kpaan mɔkint, ŋaan ki mi wunba tan saa yent.

Yaŋ 39:6 ပူးပေါင်းရင်းမြစ်များ

JOB labaar 14:1

Nisaarik daa tee waaminnae ki gbee nan daamii.

JOB labaar 7:16

N bak nan mii be n manfoor na niwa, n ji ki loon mii mɔk manfoori. Nyikimin. N binbeŋ ki mɔk nyɔsiati.

JOB labaar 7:7

Yennu, tiat nan n manfoor tenn waaminnae, ki n parpeenn poŋ gbenna.

Yaŋ 127:2

Nirɔ-i nyi sanyafaar ki tuun toonn nan u paŋ kur, ki jent kɔɔ daajobɔnbiir, a u poor n gboo paak, li kaa nyɔɔti, kimaan Yennu-e piin binba ki u loomm na bonloŋa, yoo nba ki bi dɔɔ gɔɔn ni.

Yaŋ 144:4

Nisaarik tee nan foon nae, ki u daa gaar nan yinyuŋ nba gaar na.

Yaŋ 89:48

Ŋmee sii yɔɔ be u manfoor ni, ki kan ban kpo? Nisaarik saa teen nlee, ki kan sik kaauk ni?

Barjokit 13:22

Niŋamm tent faare ki guunt bi yaaboona, ŋaan yanbɔndamm mɔkint saa saan popeenn damm boore.

Barjokit 23:5

A mɔkint maŋ saa fit yaat yiama, ki naan nan li pia kpinkpente ki yukir nan baakir na. -- 8 --

Barjokit 27:24

kimaan mɔkint ki tee linba sii yɔɔ be kaa. Naan gbaa, ŋaan li ki be yoo kuri.

Banntɔɔ 1:14

N la linba kur tun tingbouŋ na paaka, li paak ki n yeen nan li kur ki mɔk nyɔsiati. Li tee nan faa sii waa beer wouŋ nae.

Banntɔɔ 11:10

Ii daa te ki siar biir i para, koo ki toni. I kii tun tee nipaauŋ kaa.

Banntɔɔ 12:13

Linba na kur lek, bonyenn kɔɔe be, ki n saa yet a: Ii mɔk baakir nan Yennu, kii saak u sennii, kimaan u nan nisaarik linba na kur paake.

Banntɔɔ 12:8

Min banntɔɔe yet nan li ki mɔk nyɔɔt, li ki mɔk nyɔɔt. Li kur ki mɔk nyɔsiati.

Banntɔɔ 2:26

Damm nba tuun ki li gboot Yennu numm na, ŋamme ki u teemm yanfoon nan bannu nan parpeenn, ŋaan te yanbɔndamm tuun toona ki laat, ki bia bekii, a baa kpaan laat linba na, bin tuu jii ki tur damm nba tuun ki li gboot Yennu numm na. Li ki mɔk nyɔsiati. Li tee nan faa sii waa beer wouŋ biaŋinba nae.

Banntɔɔ 2:8

ki bia gaar salimpeena nan salimmɔna, kpanbara nba be tinii nba ki n dia na boor. Ki jab nan poob yiin yanii, a lin maan n par. Ki n mɔk poofanii nba kur ki n loon.

Banntɔɔ 5:14

ŋaan bi tuu tan kɔŋir, li-i tee ki bi kɔɔ kpinkpoun-yana ni, ki bi tuu tan joont yanne, ki ki tent siar ki guunt bi waas.

Aisaya 55:2

Bee ki i biir likirii linba ki gboot paaki? Bee ki i di i paauk ŋaan bia be komi? Gbiintir turin man, ki tun maa wanni linba; ki i saa di jeet nba man ki gar jeet kur ki lin maŋi.

Barŋanii nba ki LUK din sɔb nae na 12:26

Yaa ki fit tun bonmintik na, bee ki li sii daamii-i nan bonlia maŋi?

Barŋanii nba ki LUK din sɔb nae na 12:29

“I daa gbaa nan yaa saa di linba koo yaa saa nyu linba, ki bia daa mukis i dudukit,

1 Korint teeb 7:31

ki binba di tingbouŋ na manu, li ŋan ki bii be nan bi baka kaa leŋ na. Kimaan tingbouŋ na nba tee biaŋinba mɔtana na, li kan yukir nan garu.

Jeems 4:14

i ki mi linba saa baar wonni. I manfoor tee bee? Li tee nan wunn nba tuu baa sanyiɔk ni, ŋaan li-i yann lin yant nae.

Jeems 5:3

I likirii na mun biira, ki li tan saa wann nan i mɔk biit, ki li saa biir i gbanant, nan muu nba di biaŋinba na. I sent i mɔkint maŋe ki guunt i buut daar.

1 Piita 1:24

Li sɔb Yennu gbouŋ ni a: “Nisaarik kur tee nan mɔɔt nae, ki u fant tee nan mɔɔt puuk na. Mɔɔt jɔɔkit ki li puut suur baa,

1 Piita 5:7

Jiin man i daamii kur ki turɔ, kimaan u baka be i ni.