Yaŋ 39:1 - Yennu Gbouŋ Mɔɔr

¹ N yet a, “N saa soor n mɔŋ nan toona nba ki n tuune, ki bia soor n jerinn nan mabiit paku. N kan yet mɔbonsiar, yoo nba ki nɔɔnbiit damm kpiami.”

Yaŋ 39:1 ပူးပေါင်းရင်းမြစ်များ

1 Kpanbara 2:4

Li-i tee ki a sak Yennu mɔb, u saa dia mɔsonn nba ki u senn, yoo nba ki u pakin nan n yaaboona saa dia Israel teeb nan yoo nba kaa paak, li-i tee ki bi saak u mɔb, ki dia u sennu fanu nan bi para kur nan bi dudukit kur.

2 Kpanbara 10:31

Ŋaan Jehu din ki sak Israel teeb Yomdaanɔ Yennu na mɔb nan u par kur; u din tokii Jeroboam nba din kɔɔn Israel teeb biit ni na marimae.

1 Barkperii 16:41

Bi din be nan Hemann nan Jedutunn nan leeb nba ki bi din gannib, a bii yiin donta yaŋ kii teen Yennu nae, kimaan u lomm kaa gbennu.

JOB labaar 2:10

Ki Job jiin a, “A piak baryanae na. Li-i tee ki Yennu turit bonŋansiar, ti tuu gaarire fanu, ki nlee ki ti sii piak biirɔ, li-i tee ki u te daamii baariti.” Daamii nba na kur ni lek, ŋaan Job ki yet siar ki biir Yennu.

Yaŋ 119:9

Naasimɔ saa teen nlee ki u binbeŋ-ii yeeni? See ki u sak gaar a sennii.

Yaŋ 12:4

“Ti tuu jii ti mɔbonae ki la linba ki ti loon. Ti sii piak ti yanbɔɔte, ŋaan sɔɔ kaa ki saa te ki tin ŋmini.”

Yaŋ 141:3

Yennu, ii dia n mɔb, kii guu n mɔmaan.

Yaŋ 34:13

Ŋann ii nyik mabiit paku, ki bia daa fa faak.

Yaŋ 62:1

N tee soonnae ki guu maa Yennu n tinnin, u niŋe ki n tinnu saa nyi.

Yaŋ 77:1

N yikin nan kunkɔpaarir ki tur Yennu. N yikin nan kunkɔpaarir, ki u gbiint turin.

Barjokit 18:21

Linba ki a piak saa fit tinn koo ki nyinn manfoor, li paak, see ki a gaar a mɔbona paauk.

Barjokit 21:23

Fi-i loon faa daa kɔɔ daamii ni, fan soor a mɔŋ nan maan nba ki a piak.

Amos 5:13

Li paak, yimm subindamm, ŋminin soon nna, kimaan yoo na tee yobiiuko.

Kolosa teeb 4:5

Ii mi man i binbeŋ nba tee biaŋinba ki tur binba ki tee Masiaweira na, ki jii i yoo kii piak u po.

Hiibru teeb 2:1

Li kpaa talase ki tin gbiint barmɔnii nba ki ti din gbat na fanu ki tan daa kɔŋitiri.

Jeems 1:26

Wunba mi nan u tee Yiisaweirɔ ŋaan ki ki so u mɔbi, li daanɔ kpann u mɔŋe. Li want nan u weiu na tee yanne.