Yaŋ 37:7 - Yennu Gbouŋ Mɔɔr

⁷ Teent sukuru ki guur Yennu ki wun tun. A daa te ki li daamiia binba tuun toonbiit, ki mɔkitir na paaki.

Yaŋ 37:7 ပူးပေါင်းရင်းမြစ်များ

Estaa 3:15

Kpanbar na din tur mɔb a bin mɔn sennu na ki tur binba be Susa, digbansaakar na ni. Ki toomii jii labaar na ki saan nann yent na ni. Kpanbar na nan Hamann din kar ki nyu bonnyunyuute, ŋaan ki ŋmatir be Susa doo ni.

JOB labaar 35:14

Job, a yet nan a kan fit la Yennu, ŋaan dimin sukuru, a maan be u boor.

Yaŋ 27:14

Teent Yennu yada, cheen a par, kii wakii. Teent Yennu yada.

Yaŋ 40:1

Ki n guur Yennu sommir po soon nna, ki u gbiint ki gbat n mɔnii,

Yaŋ 50:8

N ki yakii nani i maruŋ paak, koo i mujoonu piinii nba be n tɔɔnn po na paak kaa.

Yaŋ 62:1

N tee soonnae ki guu maa Yennu n tinnin, u niŋe ki n tinnu saa nyi.

Yaŋ 62:5

N maa Yennu kuukɔɔ paake, u niŋe ki n mɔk dindann.

Barjokit 20:22

A daa tuun biit ki jiint binba tuma biit na. Teent Yennu yada ki wun ŋamm maan maŋ.

Banntɔɔ 5:8

A daa te ki li bakitira, li-i tee ki a tan la doo yudamm diin nandamm, ki ki teemm mɔnii. Saakabarik kur saak wunba garɔ mɔbe, ki bi kur saak tɔɔndamm nba garib na mɔi.

Aisaya 30:15

Yabint Yennu nba tee Israel teeb kasii Yomdaanɔ na piak niib na a, “Jenin man soon nna, ki tan teenin yada, ŋanne ki i sii be fanu ki mɔk paŋ.” Ŋaan ki i yêt yin tun nna.

Aisaya 8:17

Yennu bɔr u mɔŋe u niib boor, ŋaan ki n teenɔ yada, ki jii n dindann ki maa u paak.

Jeremaya 12:1

Yennu, min nan fin-i yaa ti bu, fine sii mɔk mɔnii. Ŋaan n saa boia buboit ki jiin barmɔnii maan powa. Bee teen ki yanbɔndamm mɔkitiri? Bee ki ŋmabir damm paakiti?

Daniel 11:36

“Siria kpanbar saa tun waa loon biaŋinbae. U saa faa parbiir nan u mɔk yiikoo ki gar yennii nba be, ki gar Yabint Yennu gbaa. U sii fit tuun nna ki laat nyannu, ki tan tuu yoo nba ki Yennu saa dat u tubir. Yennu saa tun fanu nan waa senn biaŋinba na.

Jona 1:11

Wouŋ na din ŋammit yabitir ki pukii yoo nan yoo, ki niib na ji tan boiɔ a, “Ti saa teena nlee ki wouŋ na n diŋi?”

Habakuk 2:3

A ŋaan ki lii be sɔbinii ni, kimaan yoo daa ki jaŋ nan lin tun nna, ŋaan yoo baate yian yian, ki maa saa wanna linba na, li set saa tun nan barmɔniiwa. Li sii tee nan li taantire na, ŋaan guutir, li tan saa baara, li kan yukir nan baaru.

Galasia teeb 6:9

Li paak, ti daa bakit nan toonŋana tumu mani, kimaan ti-i kii nyik toonŋana, ti tan saa gaar li nyɔɔt yoo nba jaŋe.

Joosua 10:12

Daar nba ki Yennu te Israel teeb nyann Amor teeb na, ki Joosua miar Yennu, Israel teeb na numm ni, ki yet a, “Yennu, a te ki yonnu-ii see nna, Gibeonn doo yur paak, ki te ki ŋmaarik mun-ii see nna, Aijalonn baauk yur paak.”