Yaŋ 37:40 - Yennu Gbouŋ Mɔɔr

⁴⁰ Ki u sommitib, ki fiarib; u fiarib nɔɔnbiit damm boor, ki tint bi manfoa, kimaan bi baat ki gurin u niŋe.

Yaŋ 37:40 ပူးပေါင်းရင်းမြစ်များ

1 Barkperii 5:20

Bi din teen Yennu yada, ki miarɔ sommir po; ki Yennu sommib, ki bi nyann Hagar teeb nan bi yɔɔsnba nba kɔn taamm na.

Yaŋ 17:13

Yennu, baat, tookit n datai ki nyannib. Jiin a jukbanjiak ki fatin tondamm nuu ni.

Yaŋ 27:2

N datai-i pikinin a bin kpin yoo nba bi sii gbiatire ki baa tiŋ ni.

Yaŋ 34:20

Yennu-e guu u kpaba, ki nan yennkɔɔwa ki jintiri.

Barjokit 20:22

A daa tuun biit ki jiint binba tuma biit na. Teent Yennu yada ki wun ŋamm maan maŋ.

Aisaya 31:5

Biaŋinba ki nɔɔŋ tuu baŋ u tiɔk paak a wun guur u waas na, nnae ki min Yabint Yennu saa guur Jerusalem ki kɔn li paak.”

Aisaya 46:4

Mine tee i Yennu, ki sii dia-i nan yaa tan saa kpet, ki i yut n penn. Mine nami ki sii gorii-i. N saa turi sommir ki tinni.”

Daniel 3:17

Li-i tee ki a lut muu nba yab bonchiann na bootuk ni, Yennu nba ki ti jiantirɔ na saa fit tinnit li ni, ki bia fatit ki tin nyi a nuu ni, li-i tee ki u loon;

Daniel 3:28

Ki Nebukanesar yet a, “Pakin ki dont Sadrak nan Mesak nan Abednego Yennu na; u tun u malaka ki u tinn jab nba teenɔ yada ki jiantirɔ nawa. Bi yêt n sennu ŋaan yit bi manfoa sarik nan bi kan gbaan ki jiant yensau see bi Yennu kuukɔɔ.

Daniel 6:23

Ki kpanbar na par penn, ki u kpamm, ki tur mɔb a bin donn Daniel bootuk na ni. Ki bi dat donnɔ, ki la nan siar ki dammɔ nan waama, kimaan waa teen Yennu yada na paak.

1 Jɔɔnn 5:18

Ki ti mi nan damm nba tee Yennu yab, bi ki tuun biiti, kimaan Yennu Bija Yiisa guub, ki bonbiiuk daanɔ Sintaanii kan fit teemm siari.