Yaŋ 37:22 - Yennu Gbouŋ Mɔɔr

²² Damm nba ki Yennu teen piisin bi paak na, ŋamme saa yent tiŋ na, ŋaan binba ki u sat mɔtont bi paak na, u saa ber nyinniba.

Yaŋ 37:22 ပူးပေါင်းရင်းမြစ်များ

JOB labaar 5:3

N la jatit nba gorii nan bi be fanu na, ŋaan mɔtont sat bi ŋei paaka.

Yaŋ 115:15

Yennu nba nan sanpaak nan tiŋ na n teen piisin i paak.

Yaŋ 119:21

A sikint binba dont bi mɔŋ nae, ki mɔpora be daansiab nba ki dia a sennii na paak.

Yaŋ 128:1

Binba saak Yennu mɔb ki dia u sennu na, piisin be bi paak.

Yaŋ 25:13

ki bi saa mɔkit bi manfoor ni, ki bi maaru tan saa di bi tiŋ faar.

Yaŋ 32:1

Damm nba ki Yennu nyik chab bi yanbɔmm, ki bia piin bi biit na, parpeenn tee bi yare.

Yaŋ 37:11

Binba sikin bi mɔŋe tan saa yent tiŋ na. Ki li mɔkint nan parmaasir sii tee bi yar.

Yaŋ 37:18

Yennu saa guur binba saak u maan, ki te tiŋ na-ii tee bi yar mɔkmɔk nan mɔkmɔk.

Yaŋ 37:28

kimaan Yennu loon linba ŋan, li paak, ki u ki nyikin niib nba tuun u loomm na yanni, ki guub yoo kur, ŋaan beer nɔɔnbiit damm maaru ki nyintib.

Yaŋ 37:9

Yennu saa boon toonbiit damm nawa, ŋaan binba mɔk dindann ki guu Yennu nae tan saa yent tiŋ na.

Barjokit 3:33

Yennu sat mɔtont tondamm ŋei paak, ŋaan tee piisin popeenn damm ŋei paak.

Aisaya 57:13

I-i taŋi fabin ki loon sommir yoo nba, yin te i tingbana maŋ n tinni. Sajaperinne tan saa jiib ki yaat namm, ŋaan damm nba teenin yada sii mɔk manfoor, tiŋ na ni, ki bia sii jiantirin, n jiantu ŋasaakak ni.”

Matiu 25:41

“Li poorpo, n tan saa jiant ki bet binba see n niigaŋ po na a ‘Yimm nibiit nba ŋan nan tubdatu na, seetir nna. Ii saa man ki saa kɔɔ muu nba di ki kaa kpeenu, ki Yennu ŋamm ki guun Sintaanii nan u niib na ni,

1 Korint teeb 16:22

Wunba kur ki loon ti Yomdaanɔ, mɔpor-ii be u paak. Maranata: li paak tee “Ti Yomdaanɔ, baat.”

Galasia teeb 3:10

Binba waa sennu ki dukii a sennu na saa tinnib na, Yennu mɔtomm be bi paak, kimaan li sɔb Yennu gbouŋ ni a “Wunba ki waa sennu nba sɔb gbouŋ ni na kur, Yennu mɔtomm be u paak.”

Galasia teeb 3:13

Ŋaan ti din be Yennu mɔtomm nie, kimaan ti din ki fit wei sennu maŋ fanu, ŋaan Masia tiɔŋo din gaar ti paak, ki be mɔtomm maŋ ni ki nyinnit li mɔtomm ni, kimaan li sɔb Yennu gbouŋ ni a “Wunba ki bi kpaau dapunpunn paak, Yennu mɔtomm be u paak.”

Sennu 5:33

Ii wei sennu nba kur ki i Yomdaanɔ Yennu wanni, ki i sii mɔk manfoor, ki bont kur saa teen fanu ki turi. Ki i bina saa pukin, tiŋ nba ki i yaa yin kar na ni.