Yaŋ 36:4 - Yennu Gbouŋ Mɔɔr

⁴ Wuu be u dɔɔnu ni gbaa, u lorin bonbiire. U ki tuun siar ki li ŋani, u bia ki yêen linba ki ŋani.

Yaŋ 36:4 ပူးပေါင်းရင်းမြစ်များ

Estaa 5:14

Ŋanne ki u ŋaapoo nan u yɔɔsnba na kur ŋmakitɔ a, “Chaant dafoouk ki li fɔkint-ii tee taakaabii piinlee nan ŋanŋmu. A won yet kpanbar ki wun te bin jɔnn Mordekai li paak; ki a ji fit saan di jaamm na nan parpeenn.” Ki Hamann gaar, nan li tee dudukŋante, li paak ki u te ki bi chaan daauk na.

Estaa 6:4

Ki kpanbar na boi a, “N ŋaasaakab na sɔɔ be nna-a?” Li yoo na ki Hamann kɔɔ dindonjouk na ni. U din baar a wun yet kpanbar ki wun te bin jɔnn Mordekai-e dachaatir nba ki u teen siir li po na paak.

JOB labaar 15:16

Ki nisaarik nyu toonbiit nan li tee nyun na. Nn, nisaarik tee ŋmabir daanɔe, nisaarik ki mɔk nyɔɔti.

Yaŋ 38:12

Binba loon ki bin nyinn n manfoor na pii barite ki guuntin, ki binba loon bin paanin daŋ na lorin daa kur a bin biirin.

Yaŋ 52:3

ki loon bonbiir ki gar bonŋann, ki loon faak ki gar barmɔnii,

Yaŋ 97:10

Yennu loon niib nba ki tuun biit nae; ŋɔɔe guu u niib manfoor; ŋɔɔe nyintib biit damm paŋ ni.

Barjokit 24:2

Bi dudukit kpan tee bin baar nan daamiie, ki bi-i yaat bi mɔi yoo nba, bi tuu paak biir sɔɔe. -- 20 --

Barjokit 24:23

Yandamme bia yet maan nba na a: Li tee kpetire nan barbuurɔ-i mɔk ningannii.

Barjokit 4:16

Toonbiit damm-i kii tun bonbisiar, bi ki fit gɔɔnt. Bi tuu nyɔɔne, see ki bi tan tun ki biir sɔɔ.

Aisaya 65:2

Yoo kur n teen siire maa n gaar n niib saauŋ, ŋaan ki bi jii tubkpaasuk, ki tɔkii bi yur po sɔnii, ki tuun linba ki ŋan.

Jeremaya 4:22

Yennu yet a, “N niib na tee bonliiniie. Bi ki mimi. Bi tee nan wajata nae ki ki mɔk bannu. Bi mi toonbiit tumue fanu, ŋaan gbar toonŋana tumu.”

Jeremaya 6:16

Ki Yennu yet u niib a, “Setir sɔnpaata ni man kii gorii. Ii boi sɔnkperii po ki la sɔnchinchibir nba be sian. Tɔkint sɔnu maŋ man, ki i saa la parmaasir.” Ŋaan ki bi jiin a, “Aaii, ti kan tɔkini.”

Jeremaya 8:6

N gbiinte fanu, ŋaan i ki pak mamɔmmi. Nan i yenɔkɔɔwa ki mɔ kɔɔ u biit paaki, ki i sɔɔ ki boi a, ‘N biir bee?’ Sɔɔ kur tun waa loon linbae, nan taamm nba tuu tiin ki saa tɔb biaŋinba na.

Amos 5:15

Ii nan toonbiit, ŋaan kii tuun toonŋana, ki te barmɔnii-ii piak buut bunu ni. Li pasiar, Yennu sii mɔk ninbatinu digbann na niib nba tenn ki mɔk manfoor na paak.”

Maika 2:1

Li tan sii bi bonchiann ki tur binba ki gɔɔnt nyiɔk ŋaan lorin bonbiir na. Li-i taŋi yent sanyiɔk, yoo nba ki bi la yaak bi tuu tuun toonbiit nba ki bi bo lor nae.

Maika 6:8

Aaii, Yennu wannit linba ŋana. Waa loon linba ti boor tee nnae: a tii tuun linba ŋan, kii mɔk lomm nyɔɔ nyɔɔ, kii mɔk sikin-n-mɔŋ, kii waau fanu.

Matiu 27:1

Laa yent sanyapob ni, ki Yennu mannteeb yudamm nan saakab lor baa saa kpi Yiisa biaŋinba.

Toona 23:12

Laa din tan yent sanyiɔk, ki Juu tesiab tikir, ki kar lor, ki por a bi kan di siar koo ki nyu siari, see ki bi tan kpii Pɔɔl-a.

Rom Teeb 1:32

Bi mi nan Yennu sennu wann nan binba tuun linba na booru, bi nyɔɔt tee kuume, ŋaan bi lek kpan tuun ŋanne, ki bia mɔk parpeenn nan binba tuun li toonbooru mun.

Rom Teeb 12:9

Ŋaant ki lomm-ii tee barmɔnii lomm, ki soor linba ŋan na fanu, ŋaan kii nân biit.

Fiitu 2:2

Ŋɔɔe yet a: N mi i toona nba tee biaŋinba, nan yaa yabir ki tuun toonŋana nan sukuru biaŋinba, ki bia mi nan i ki loon nibiit i sinsuuk ni, li paake ki i din bikin binba tuu yaa bi tee n toomiinba ŋaan ki ki tee na, ki bann nan bi tee fai damme.

1 Samuel 19:11

Li daar nyiɔk ki Sɔɔl tun nisiab, a bin saan guur Defid ŋaak, ki won kpiu sanyiɔk ni. Ki Mikal, wunba tee Defid ŋaapoo na kumiiɔ a, “Li-i tee ki a ki yaat nyiɔk na a manfoor paaki, bi won saa kpia wonna.”