Yaŋ 35:8 - Yennu Gbouŋ Mɔɔr

⁸ Bi tan sii bant na ki biiru tunn bi paaka, ki barit nba ki bi pii na, lin soorib, ŋaant ki bin baa bootuk na ni, ki lin biirib.

Yaŋ 35:8 ပူးပေါင်းရင်းမြစ်များ

2 Samuel 17:23

Ahitofel nba tan bann nan bi ki gaan u kpaanii yoo nba na, ki u jii u boŋ ki jak kun u doo ni, ki saa chakit ŋaak chakita, ŋaan jɔnn u mɔŋ ki kpo, ki bi piiu u baanba kaat ni.

Estaa 7:10

Ŋanne ki bi jɔnn Hamann dachaatir nba ki u chaan ki guun Mordekai na paak. Tɔn, ki kpanbar na wutoor ji maak.

Yaŋ 57:6

N datai lu laauŋo a bin soorin, ki n be nan parbiir, ki bi gbii bootuk, sɔnu nba ki n tɔkii na ni, ŋaan ki bi mɔŋ tan baa li ni.

Yaŋ 64:7

Yennu saa yekib u peenii, ki li saa turib danii yiama.

Yaŋ 9:15

Binba ki jiantira na gbiir bootite, ki bia ŋmat baa leŋ; bi tiɔŋ baruko soorib.

Barjokit 29:1

Bi-i kpaana yoo kur ki a tee tubkpaasuk, dasiar a tan saa kɔɔ biiru nie, ki gbar nyinu.

Barjokit 5:22

Tondaanɔ toonbiit tee baruko. U mɔŋ toonbiite tuu ŋmat soorɔ nan laauŋ na.

Aisaya 47:11

Ninbɔŋ saa baara, ki a nyɔkii na nan yenna kan fit gɔɔrir. Biiru saa kpir baar a paak, ki tee biiru nba ki a ki ban dukin li po.

Barŋanii nba ki LUK din sɔb nae na 21:34

“Ii mi man ki daa te binbeŋ na daamii-i, nan dayibu nan li yiaru boonti, ki n baaru daar tan saa kpir baar,

1 Tesalonika teeb 5:3

Yoo nba ki niib tan sii yeen a “Parmaasir nan laafia be” na, li yoo maŋe ki biiru tan saa baarib yiama, nan matyiaru nba tuu baar poo biaŋinba na, ŋaan bi tan kan fit nyi li biiru ni.

1 Samuel 18:17

Tɔn, ki Sɔɔl yet Defid a, “N bipoo Merab-e na. N saa jiiu tura ki a kɔɔnɔ, li-i tee ki a sii tuunin ki mɔk par ki bia taa n po, ki fit kɔn tɔb nba tee Yennu yar na.” (Sɔɔl din dukin nan u saa teen nnae ki Filistia teeb na n kpi Defid, ŋaan ki u daa kpiu u tiɔŋu.)