Yaŋ 35:25 - Yennu Gbouŋ Mɔɔr

²⁵ A daa te ki bi yeen ki teen bi leeb a, “Ti nyannɔwa. Taa loon biaŋinbae na.”

Yaŋ 35:25 ပူးပေါင်းရင်းမြစ်များ

2 Samuel 20:19

Ti doo tee digbanjaanne, li tee Israel mɔsaku nan parmaasir doi na yenne. Bee ki i koor a yin bitiri? I loon yin biir linba tee Yennu yare-e?”

JOB labaar 1:5

Ki jaamm kur sanyafannuk, Job din tuu dɔŋ fiire, ki mann maruŋ u waas na kur paak, a lin ŋammib. U din tuu tun linba na, kimaan u tuu dukin nan bi yenɔ tan saa mann tun biit, ki sukii Yennu ŋaan kan bann nan u sukiiɔ.

Yaŋ 124:3

bi bo saa nakit foote, kimaan bi wutoa doo ti paak ki saa gara.

Yaŋ 140:8

Yennu, a daa teen biitdamm na baa loon linba; a daa te ki bi laat nyannu bi lorbiit ni.

Yaŋ 27:12

A daa ŋaanin ki te ki n datai tuun linba ki bi loon ki teenimi, kimaan faak siara damm fiir ki biirin, ki nyint mabiit.

Yaŋ 28:3

A daa biirin ki kpab nan nɔɔnbiit damm nba tee toonbiit dammi, binba piak kunkɔmana ki teen leeb, ŋaan mɔk nɔɔn ŋmiant na.

Yaŋ 57:3

U saa toon Yendɔuŋ ni ki tinnin, ki nyann n datai. Yennu saa turin u lomm nan u barmɔnii.

Yaŋ 70:3

A te damm nba laan ki sarikitin na, lin bakitib bi baak ni.

Yaŋ 74:8

ki yet bi para ni a bi saa biirite fas fas, ki joo kasii boor kur muu, tingbouŋ na ni.

Nyinu 15:9

Ki datai na yet a, ‘Ti saa wei beribe ki soorib, ki bɔkit bi mɔkint na ki gann taa loon linba. Ti saa nɔɔt ti jukbanjaie ki jii baa mɔk linba kur.’

Fabinii 2:16

A datai na kur sarikita, ki goriia jia-a nan naŋ, ki mian bi mɔi ki yeen a, “Ti biirira, daar nba nae ki ti tuu guu.”

Matiu 27:43

U teen Yennu yadawa, ki yaa u tee Yennu Bijae. Tɔn, li-i tee ki Yennu set loonɔ, ŋaant wun tinnɔ mɔtana.”

Barŋanii nba ki MAK din sɔb nae na 2:6

Li yoo na ki Yennu sennu wanntesiab kar leŋ maŋ ki boi bi para ni a,

Barŋanii nba ki MAK din sɔb nae na 2:8

Dudukit na nba din be bi para ni yoo nba na, ki Yiisa bann ki boib a “Bee ki i dukii linba na?

1 Korint teeb 15:54

Li paak, linba na kur-i tan teen, li yoo na linba sɔb Yennu gbouŋ ni na saa gbee, a “U nyann kuun gbenna.” Li bia sɔb a: “Kuun, a nyannu na be lia? Kuun, a tonu na be lia?”