Yaŋ 34:18 - Yennu Gbouŋ Mɔɔr

¹⁸ Yennu naak damm nba ki bi para biir, ki sommit binba ki mɔk dindann nan waama na.

Yaŋ 34:18 ပူးပေါင်းရင်းမြစ်များ

2 Kpanbara 20:5

ki Yennu pakɔ a wun ŋmat Hesekia, wunba dia ŋɔɔ Yennu niib na boor, ki pakɔ a, “Min Yennu nba tee a yeeja Defid Yennu na gbat a miaru, ki bia la a ninnyuut nawa. N saa tura laafia, ki daa ŋantaa ni a saa saan Yenjiantu ŋasaakak ni.

2 Kpanbara 22:19

ki lebit, ki mɔ kɔɔ biit maŋ paak, ki sikin a mɔŋ n boor, ki pat a tiat ŋaan bui, yoo nba ki a gbat maa lor man dat Jerusalem nan li niib tuba biaŋinba na. N saa teenir boor nba sii mɔk yanputuko, ki nisaarii saa jii boor maŋ sann ki teen mɔtont. Ŋaan fin ŋarin, n gbat a miaruwa,

Yaŋ 119:151

Yennu, a ki fɔk nanimi ki a sennii kur tee linba yɔɔ tee barmɔnii.

Yaŋ 145:18

Yennu ki fɔk nan binba kur yiu na, binba yiu nan bi para kur na.

Yaŋ 145:19

Ŋɔɔe teen binba teenɔ baakir na bi bonloŋa, u gbia bi fabinii ki tuu tinnib.

Yaŋ 147:3

U teen binba para ni la daŋ nae laafia, ki lorin bi fiat.

Yaŋ 18:7

Ŋanne ki tingbouŋ damm ki nik, ki jɔjaana fiaka bekint ki jekir; kimaan Yennu wutoor doowa.

Yaŋ 51:17

Yennu, n maruŋ tee sikin-n-mɔŋ binbeŋe. Ki a kan yêt daanɔ nba sikin u mɔŋ ki lebit u pari.

Yaŋ 75:1

Yennu, ti teena niipoouk, ti teena niipoouk, kimaan a naak nant. Ti piak a yabint nba tee biaŋinba, ki bia want a bakitnauŋ toona nba ki a tuun.

Yaŋ 85:9

Barmɔnii, u teen siir nan wun tinn binba baakitɔ, ki u baakir saa kpakin ti tiŋ ni.

Aisaya 55:6

Jenin Yennu boor, ki miarɔ yoo nba ki u naak na.

Aisaya 57:15

“Mine tee Yenjaann, ki bia tee kasii, ki yɔɔ be. N be sanpaapoe, siaminba tee kasii, ŋaan n bia be nan niib nba sikint bi mɔŋ ki nyik bi biit, a man maan bi para ki turib dindann.

Aisaya 61:1

Yabint Yennu Seek be n ni. U gannin ki tumin a man mɔɔnt barŋanii ki tur tatimm, ki maan binba para biir na, ki mɔɔnt tur yommii ki bin la yent-n-mɔŋ, ki mɔɔnt tur dansarkɔɔra ki bin la fat-n-mɔŋ.

Aisaya 66:2

N tiɔŋo nan durinya na kur. N par mei nan binba sikint bi mɔŋ ki mɔ kɔɔ bi biit paak nae, ki tee binba tiinin ki saak n mɔb na.

Esekiel 36:26

N saa turi parpaann nan duduk-paann. N saa nyinn i para nba wakii na, ŋaan turi mɔsaku para.

Esekiel 36:31

Ki i saa tiar toonbiit nan binben-yana nba ki i tun, ki i sii nan i mɔŋ, kimaan i toonbiit nan yanbɔmm na paak.

Barŋanii nba ki LUK din sɔb nae na 4:18

“Yennu Seek be n ni, ki u gannin a n mɔɔnt barŋanii ki tur tatimm. U tumin a n tan bet yommii a n saa nyinnib yann, ki bia bet jɔɔnii ki bin nyɔɔnt, ki bia fat binba be biak ni ki lub yann,