13 Ŋann ii nyik mabiit paku, ki bia daa fa faak.
A donn wutoor nan Yennu-e ki piak biirɔ.
Yennu, ii dia n mɔb, kii guu n mɔmaan.
N yet a, “N saa soor n mɔŋ nan toona nba ki n tuune, ki bia soor n jerinn nan mabiit paku. N kan yet mɔbonsiar, yoo nba ki nɔɔnbiit damm kpiami.”
Ki biiru be siar kur po doo na ni, ki li sɔnii gbee nan fat-teeb nan fai damm.
Faak ki wei, ŋaan barmɔnii ŋarin yɔɔ be-e.
Yennu ki loon faak damme, ŋaan ki u par mei binba gbeent bi mɔsona na paak.
Toonbiit damm tuu tan baae ki bi naakuut kur n boont, ŋaan yentinna na ŋarin, bi naakuut yɔɔ see-e.
Soot a mɔŋ nan faa piak linba ki lin gɔɔr a manfoor. Wunba piak yana yana biir u mɔŋe.
Linba ki a piak saa fit tinn koo ki nyinn manfoor, li paak, see ki a gaar a mɔbona paauk.
Wunba fa faak barbuboor saa la tubdatuwa, u kan saan yanni.
Fi-i loon faa daa kɔɔ daamii ni, fan soor a mɔŋ nan maan nba ki a piak.
Yennu yet a, “Bi tee n niibe, bi kan kpannin.” Li paak ki u tinnib
“I daa tuun toonbiiti; ŋaan ki i dudukit-ii tee yin tun toonŋana, ki li saa te ki i mɔk manfoor, ki i Yomdaanɔ Yabint Yennu sii be nani, nan yaa yet a u be biaŋinba na.
I daa fa faak ki teen leebi, kimaan i poŋ nyik linba tuu tee i binbenkperik na nan li toonawa,
N naa waas, n loon yin bann linba nae; ii gbiintir yian yian ŋaan kii mi biaŋinba ki i piak, ki bia daa dont wutoor yian yian,
Wunba mi nan u tee Yiisaweirɔ ŋaan ki ki so u mɔbi, li daanɔ kpann u mɔŋe. Li want nan u weiu na tee yanne.
Ti kur tuun linba ki took sɔnii bonchiann ni, ŋaan wunba ki piak mabiit, li daanɔe set tee wunba chee, ki saa fit soor u mɔŋ.
Tɔn, ii nyik biit kur, nan faak kur, nan kpinkpannii, nan funfunn, nan sanjaauŋ.
U din ki tun biit gbaa; ki faak bia ki mi nyii u mɔb ni.
