Yaŋ 33:12 - Yennu Gbouŋ Mɔɔr

¹² Parpeenn be digbann nba ki Yennu tee bi Yomdaanɔ na paak. Parpeenn be niib nba ki u gannib ki bi tee u yab na paak.

Yaŋ 33:12 ပူးပေါင်းရင်းမြစ်များ

2 Samuel 20:19

Ti doo tee digbanjaanne, li tee Israel mɔsaku nan parmaasir doi na yenne. Bee ki i koor a yin bitiri? I loon yin biir linba tee Yennu yare-e?”

Yaŋ 135:4

U gann Jakɔb yaaboonae ki teemm u yab, ki jii Israel teeb maŋ ki teemm u niib.

Yaŋ 144:15

Parpeenn be digbann nba ki maan na tee mɔnii ki turib na paak; parpeenn be niib nba ki bi Yomdaanɔ tee Yennu na paak.

Yaŋ 28:9

Yennu, tint a niib, ki teen piisin bi paak, kii kpaarib nan yoo nba kaa paak.

Yaŋ 65:4

Damm nba ki a gannib na, parpeenn tee bi yare; ŋamme tee binba ki a baar namm a bii be a kasii boor na, ki ti saa gboo nan bonŋana nba be a ŋaak ni na, ki tee piisin nba be a kasii ŋasaakak ni na.

Nyinu 34:9

ki yet a, “N Yomdaanɔ, li-i tee ki a numm gboomi, ŋann fan tɔk saan nant. Niib na lek tee tubkangbatae, ŋaan a nyik chab ti toonbiit nan ti yanbɔmm, ki gaarit ki tii tee a tiɔŋ niib.”

Aisaya 41:10

I daa tiin jaŋmaanii. N be nani. Mine tee i Yennu. I daa te ki siar kɔɔnti jaŋmaanii. N saa turi paŋ ki sommi. N saa guuri, ki tinni.

Jeremaya 10:16

Israel teeb Yennu na ki tee nan pata maŋ na kaa, ŋɔɔe nan bona kur, ki gann Israel teeb a bii tee u tiɔŋ niib; u sanne tee Yabint Yennu.

Jɔɔnn 15:16

Yimm kaa gannimi, ŋaan mine ganni, ki turi toona maa yii saa kii loon lɔɔna bonchiann, lɔɔna nba sii be mɔkmɔk nan mɔkmɔk, a n Baa Yennu n turi linba kur ki i miarɔ n sann ni.

Efesus teeb 1:4

Yennu nba poŋ daa din ki nan tingbouŋ yoo nba naewa, ki u gannit a tii tee u niib, Yiisa Masia paak, kii tee popeendamm ki daa mɔk biit u boori.

Sennu 32:9

ŋaan gann Jakɔb yaaboona ki bi tee u mɔŋ niib.

Sennu 33:29

Israel teeb, i mɔk parpeenne. Sɔɔ ki be ki tee nan yimm na. I tee digbann nba ki Yennu tinnie. Ŋɔɔe tee i naagbankɔŋir nan jukbanjiak, ki guu-i ki bia saa turi nyannu. Ki i datai tan saa baar i boor ni ki barimi a yin nyikib, ki i tan saa ŋmaatib tiŋ ni.

Taitus 2:14

ŋɔɔe din gaar ti paak ki kpo, a wun nyinnit biit kur daabisin ni, ki te ki ti tee popeendamm nba tee u kuukɔɔ yab, ki tee niib nba numm mɔn nan toonŋana tumu.

1 Piita 2:9

Ŋaan yimm ŋarin tee Yennu nigannkabe, ki bia tee u naan ni niib nba jiantirɔ, ki bia tee nibooru nba tee popeendamm, ki bia tee u tiɔŋ niib, ki yii mɔɔntir ŋɔɔ nba nyinni bunbɔnn ni, ki baar nani u bakitnauŋ yentu ni na burchintuk po.