Yaŋ 32:5 - Yennu Gbouŋ Mɔɔr

⁵ Ki n ji kat n yanbɔmm ki wanna, n ki bɔr n toonbiiti. N dukin ki kat n yanbɔmme ki tur fin Yennu, ki a nyik chabin.

Yaŋ 32:5 ပူးပေါင်းရင်းမြစ်များ

2 Samuel 12:13

Ki Defid bet Natann a, “N tun biir Yennu-wa.” Ki Natann jiin a, “Yennu nyik chabawa, a kan kpo,

2 Samuel 12:9

Bee ki a yêt min Yennu maami? Bee ki a tun yanbɔmm na, ki te ki Amonn teeb kpii Yuria, tɔb ni; ki a kɔɔn u ŋaapoo?

2 Samuel 24:10

Ŋaan Defid nba din kan niib na ki gbenn yoo nba, u par din biire, ki u yet Yennu a, “Yennu, n biir nan maa tun linba nawa. Nyikin n biit ki chabin. N tun jatiiwa.”

2 Samuel 24:17

Yoo nba ki Defid la malaka nba kpi niib na, ki u yet Yennu a, “Mine tee daanɔ nba biira, mine tun ki kpet. Tatimm na biir bee? A dat min nan n ŋaateeb tuba.”

1 Kpanbara 8:50

A nyik chab bi biit nan bi mɔyêtuk, ki ŋaan bi datai-ii be namm binbeŋ nba ŋan.

2 Barkperii 6:29

fan gbiint bi miaru. Ki li-i tee a niib Israel teeb na yenɔ set tor ŋaak na, ki donn u nii, ŋaan miara nan fabinii,

Esra 10:11

Tɔn, mɔtana, katir i yanbɔmm ki tur i yeejamm Yomdaanɔ Yennu na, ŋaan tun linba saa maŋɔ. Bɔkitir i mɔŋ ki nyii boorganii nba kɔɔ ti tiŋ na ni, ki bia ber boorganii waas nba ki i kɔɔn na.”

JOB labaar 31:33

Jasiab koor a bin bɔr bi yanbɔmme, ŋaan min ki ban dɔkin n yari.

JOB labaar 33:27

Ki u saa yet niwor ni a, “N tun yanbɔmma. N ki tun linba ŋani, ŋaan ki Yennu tinnin.

Yaŋ 103:12

Yondo po nan yonbaa po nba fɔk nan leer biaŋinba na, nnae mun Yennu tuu jii ti biit ki fɔkit nann ti boor.

Yaŋ 103:3

U tuu nyik chab n biit kure ki te n yiarii kur n gbenn.

Yaŋ 25:16

Yennu, ŋmantir n paak ki tinin ninbaauk, kimaan n tee n kɔɔe ki di biak.

Yaŋ 25:18

Gotir n ninbaatir nan daamii nba tee, ki nyik chab n yanbɔmm.

Yaŋ 30:5

U wutoor ki wei nan maaku, ŋaan ki u ŋant wei ki saa dian manfoor terik. Bubuuk sii be nyiɔko, ŋaan ki kpinkpammuk be sanyiɔk ni.

Yaŋ 38:18

Ki n pak ki kat n yanbɔmm, ki n biit maŋ daamiin.

Yaŋ 38:19

N datai mɔk laafia ki bia mɔk panii. Ki n datai yaba ki namin, ki li ki mɔk paaki.

Yaŋ 51:6

A kpaan mamɔmm nan barmɔniie nisaarik ni. Kɔɔnt a bannu n dudukit ni.

Yaŋ 86:15

Ŋaan fin n Yomdaanɔ, fine tee ninbatinu nan lomm Yennu, ki mɔk sukuru nan barmɔnii nan burchint.

Yaŋ 86:5

Yennu, a mɔk nyikinchab, ki ŋan turit, ki a lomm gbee nan wunba kur miara.

Barjokit 28:13

Fi-i yiab a fan dɔkin a biit, a kan ban la nyannu. Katir a biit, ki nyik li tumu, ki Yennu n tina ninbaauk.

Barjokit 30:20

Tɔn, poochonchonn marimae na: Wuu dɔɔ nan jaganɔ ki gbenn, u ji tuu wure, ŋaan yet a, “A la ki n tun siara kpetiri-i?”

Aisaya 65:24

Bi tuu tan sii mein ki gbent na, ki n turib gatuwa.

Jeremaya 2:23

A saa teen nlee ki yet nan a ki biir a mɔŋi, ki bia ki jiant tingbann nba tee Baal na? Gotir faa tun biit biaŋinba baauk na ni. Gotir faa tun linba. A tee nan muuk ni laagumii nba ki u poor sooru yoo-i baar, ki u lin tiin yann,

Jeremaya 2:35

ki i yeen a, ‘Ti ki tun biir. Yennu ji ki dont wutoor ti paak.’ Ŋaan min Yennu saa dat i tuba, kimaan i nɔi nan i ki tun biiti.

Jeremaya 3:13

Fin n sak nan a mɔk biit, ki sak nan a yêt a Yomdaanɔ Yennu mɔba. Fiitir a biit nan timaatik kur nyakir a jii a lomm ki tur boorganii yenniiwa, ki ki sak n mɔbi. Min Yennu-e pak na.

Jeremaya 31:20

“Israel digbann, fine tee n bijaloŋir, bik nba ki n lomm mantik be u ni. Yoo nba kur ki n taa a sann, n tuu dukin a po nan lomme. N yan tuu nyi saan a boore. N sii mɔk ninbatinu nana.

Hosea 6:1

Ki niib na piak a, “Ŋaant ki tin ŋmat Yennu boor. U turit daŋa, ŋaan u saa tebita. U turit narawa, ŋaan u saa wuur turita.

Liifai teeb 5:5

Ki li-i tee linba na kur ki nirɔ tumi, wun fiit u mɔŋ yanbɔmm.

Malakai 3:8

Ki n boi-i maa, li ŋan ki nirɔ n ŋmab Yennu-u? Aaii. Li ki ŋani, ŋaan i ŋmaab min Yennu. Ki i boi a, ‘Ti ŋmaaba nlee?’ I ŋmaabin i bona piik ni yennkɔɔ turu ni, nan i piinii ni.

Barŋanii nba ki LUK din sɔb nae na 16:15

Ki Yiisa yetib a “Yimm nba want i mɔŋ nan i tee burchimme na, ŋaan Yennu mi i para ni. Linba ki nirɔ dukii nan li tee bonjaanne, ŋaan li ki mɔk nyɔɔt Yennu boor.

Barŋanii nba ki LUK din sɔb nae na 7:47

N beerae, n nyik u biit nba yab ki chabɔwa, li paake ki u mantik loonin. Ŋaan wunba ki n nyik chab u biit waaminna, u mun loonin waaminnae.”

Efesus teeb 4:32

Ii tee burchimm nan ninkpabauŋ damm man i leeb boor. Ii nyikit leeb biit kii chabitib, nan Yennu nba nyikit i yara ki chabiti biaŋinba, Masia paak na.

Joosua 7:19

Ŋanne ki Joosua yetɔ a, “N bija, pakin mamɔmm kur, Israel teeb Yomdaanɔ Yennu boor ni na, ki wann a biit. Pakimin linba kur ki a tun. A daa bɔriin siari.”