Yaŋ 32:11 - Yennu Gbouŋ Mɔɔr

¹¹ Yimm nba tee niŋamm na, yii mɔk parpeenn kii kpamm, kimaan Yennu nba tun linba ki turi na paak. Yimm nba saak u mɔb na, ii yikin nan parpeenn.

Yaŋ 32:11 ပူးပေါင်းရင်းမြစ်များ

Yaŋ 125:4

Yennu, tumin bonŋann ki tur binba tee niŋamm na, binba saak a sennii na.

Yaŋ 32:2

Daanɔ nba ki Yennu ki pak biirɔ nan u tun biir, ki bia ki mɔk kpinkpannii na, parpeenn tee u yare.

Yaŋ 33:1

Ii yin yaŋ nan parpeenn ki tur Yennu, yimm nba tee niŋamm na. Li ŋan ki niŋamm na n jiantɔ.

Yaŋ 5:11

Ŋaan binba kur teena yada na be nan parpeenn, ki saa fit yin parpeenn yanii. Ii guu daansiab nba loona na, kimaan a paake ki bi mɔk parpeenn.

Yaŋ 64:10

Ki niŋamm kur sii kpamm nan toonŋana nba ki Yennu tun. Bi saa la gungurboor u nie, ki binba kur para yeen saa dont u sann.

Yaŋ 68:3

Niŋamm na ŋarin-ii mɔk parpeenn, kii kpamm Yennu tɔɔnn. Bii mɔk parpeenn kii yikin nan kpinkpammuk.

Yaŋ 7:10

Yennu-e nyintin ninbɔŋ ni, u tint daansiab nba saak u mɔb.

Yaŋ 97:1

Yennu-e tee kpanbar. Tingbouŋ, ii mɔk parpeenn. Yimm tinii nba foo mɔkgbeŋa ni na, ii kpamm man.

Yaŋ 97:12

Yimm niŋamm kur-ii mɔk parpeenn man, kimaan linba Yennu tun na paak. Tiat linba ki kasii daanɔ Yennu tun na, ki turɔ niipoouk.

Yaŋ 98:4

Tingbouŋ na kur n yin nan parpeenn ki tur Yennu; jiin yanii nan kpinkpammuk hootii ki dontɔ.

Sekaria 4:7

Bonjarkara nba gbeŋ nan jɔfɔkit na, ŋaan li kur saa mirinte a tɔɔnn. A saa ŋamm maa jiantu ŋasaakak na, ki fi-i taŋi paan tanjoontik na yoo nba, niib na saa yikin a, ‘Li fan, li fan.’ ”

Rom Teeb 5:11

Ŋaan li kur kaa na; ti bia mɔk parpeenn Yennu nba sommit bonchiann biaŋinba, ti Yomdaanɔ Yiisa Masia paak na, kimaan u paake ki Yennu ji teent u yɔɔsnba.

Sennu 12:12

Ki i sii mɔk parpeenn u tɔɔnn po, yimm nan i waas nan i daaba nan Liifai teeb nba kɔɔ i doi ni na. Ii tian man nan Liifai booru kii mɔk bi tiɔŋ tiŋi.

Filipi teeb 3:1

N naa waas, linba biar tee, ii mɔk parpeenne, kimaan yaa tee ti Yomdaanɔ yab na. Min yaa baka kaa nan man ŋamm sɔb linba ki n poŋ daan sɔb turi sinsinn na; mi-i tuun nna, li sii tee i yumanne.

Filipi teeb 3:3

Timm jiantir Yennu u Seyeeŋ nie, ki mɔk yuugontir Yiisa Masia paak; linba nae tee barmɔnii punpotu. Timm ki teen nisaarik yar kaa yada.

Filipi teeb 4:4

Yaa tee ti Yomdaanɔ yab na, ii mɔk parpeenn yoo kur man. N bia ŋammit beerie, ii mɔk parpeenn man.

1 Samuel 2:1

Ki Hana miar Yennu ki yet a: “Yennu turin parpeenna. Li maŋin bonchiann nan waa tun linba turin na. N laa n dataie, ki bia mɔk parpeenn, kimaan Yennu sommima.