Yaŋ 31:22 - Yennu Gbouŋ Mɔɔr

²² Jaŋmaanii bo soorime, ki n yet a, “Yennu-e berin, ki n fɔkit nanɔ.” Ŋaan ki u gbat n fabinii, yoo nba ki n yiin ki loon sommir na.

Yaŋ 31:22 ပူးပေါင်းရင်းမြစ်များ

JOB labaar 35:14

Job, a yet nan a kan fit la Yennu, ŋaan dimin sukuru, a maan be u boor.

Yaŋ 116:11

Halii yoo nba ki jaŋmaanii soorin ki n yet a, “Sɔɔ kaa ki jaŋ nan bin teenɔ yada.”

Yaŋ 17:7

Wantin a bakitnauŋ lomm na ki tinnin. Li-i tee ki n be a boor, n nyii n datai nuu niwa.

Yaŋ 31:17

Yennu, a daa te ki n di fei, kimaan n fabin ki turawa. Ŋaant ki nɔɔnbiit damm n di fei, ki sik dɔɔr soon nna kaauk ni.

Yaŋ 6:9

U gbiin n bubuuk ki jiin sommir po, ki saa gat n miaruwa.

Yaŋ 66:20

Paku tee Yennu yare, kimaan u ki yêt n miaru; u bia ki yêt wun turin u lommi.

Yaŋ 88:16

ki a wutobiiuk na butima, ki a jaŋmaansooruk leku na biirin.

Aisaya 49:14

Ŋaan ki Jerusalem teeb yet a, “Yennu nyɔr nyikita. U tamm ti powa.”

Aisaya 6:5

Ki n yet a, “N poŋ ji ki mɔk dindann. N boonta, kimaan maan nba kur nyii n mɔb ni tee biite, ki n be niib nba yaa maan kur tee biit na boor. Ŋaan ki n tiɔŋ ninbinne la kpanbar, wunba tee Yabint Yennu na.”

Esekiel 37:11

Ki Yennu ŋamm betin a, “Nisaarik, Israel teeb tee nan kpabkoona na nae. Bi yeen a bi mantik koora, ki ji ki mɔk dindann manfoor po.

Jona 2:4

Ki n dukin nan min kpan nyinte na, ki ji kan mi nakin a kasii jiantu ŋasaakak na, ki n ninbinn bia ji kan mi lari.

Barŋanii nba ki LUK din sɔb nae na 11:10

kimaan wunba kur mei Yennu, u gaane; ki wunba mun loon, u laate; ki wunba kpaan gann, bi lootir teenɔ.

Hiibru teeb 5:7

Tɔn, Yiisa nba din be tingbouŋ na ni yoo nba na, u din mei Yennu ki barimɔ, ki bui nan ninnyuut, Yennu nba saa fit fatɔ kuun ni na boor. Waa din baakit Yennu na paak, ki Yennu gbat u miaru.

1 Samuel 23:26

Sɔɔl nan u jab din be kunkonn na bɔkire, ki Defid nan u jab mun be bɔkleer, ki koor a bin nyi Sɔɔl nuu ni. Sɔɔl nan u jab nba nakii Defid nan u jab a bin soorib yoo nba,

1 Samuel 25:32

Ki Defid yet Abigail a, “Pakin Yennu, wunba tee Israel teeb Yennu, ki tuma a fan chetin dinna na.

1 Samuel 27:1

Defid dukin ki tur u mɔŋ a, “Sɔɔl saa kpin daa na niwa. Maa saa tun linba ki lin werikin tee man bot ki saan Filistia teeb boore, ki Sɔɔl saa nyik ki kii kpaanin Israel tiŋ ni, ki n ji saa la laafia.”