Yaŋ 31:15 - Yennu Gbouŋ Mɔɔr

¹⁵ N sii yɔɔ be a nuu ni, ki a fatin n datai boor, ki bia fatin binba waan a bin biirin na boor.

Yaŋ 31:15 ပူးပေါင်းရင်းမြစ်များ

2 Samuel 7:12

Li-i tee ki a kpo ki bi piia a yeejamm boor yoo nba, n saa nyinn a bonjai na yenɔe ki dinnɔ naan, ki u naangbouŋ-ii mɔk paŋ.

2 Barkperii 14:10

Ki Asa nyii a wun kɔn nanɔ, ki bi kur saan set bi sinsetboa, Sefata baauk ni, ki kpia Maresa.

JOB labaar 24:1

Bee teen Yennu ki senn buut daar nan li yoo ki tur binba waau na, ki bia bu buut ki turib bi mɔnii?

Yaŋ 116:15

Yennu nirɔ yenɔkɔɔ-i kpo, li tuu yiar Yennu bonchiann.

Yaŋ 140:7

N Yomdaanɔ Yennu nba tee n fat-tɔɔ na, fine nyinnin tɔb ni.

Yaŋ 142:6

Gbiintir mɔnii nba ki n mɔ ki loon sommir na, n gbee nan parbiire. Nyintin n datai nuu ni, kimaan bi paŋ gar n yara.

Yaŋ 143:12

Faa mɔk lomm nanin na paak, a kpi n datai ki biir binba dintin biak na, kimaan n tee a toontunnɔe.

Yaŋ 143:3

N dataak tɔkiime ki saa soorin ki nyannin. U kɔɔnin bunbɔnn dansarik nie, ki n tee nan binba din kpo sianyoowa na,

Yaŋ 143:9

Yennu, n baat a boor ki loon guuru, nyintin n datai nuu ni.

Yaŋ 17:13

Yennu, baat, tookit n datai ki nyannib. Jiin a jukbanjiak ki fatin tondamm nuu ni.

Yaŋ 25:2

A nie ki n teen yada. Fatirin, ki nyinnin fei ni. A daa te ki n datai laat paŋ ki gaarimi.

Yaŋ 91:2

ŋɔɔe saa fit yet a, “Yennu, fine tee n guutɔɔ nan n fat-tɔɔ. Fine te n Yennu; ki n teena yada.”

Nyinu 40:37

Sanpagbouŋ na-i be lanbouŋ na paak yoo nba, bi ki chaatir bi kaaŋi, see daar nba ki u tan saa dɔkit, ki bin ji fiir leŋ.

Aisaya 25:1

Yennu, fine tee n Yomdaanɔ, n saa tura baakir ki dont a sann. A tun yaarlituk toonawa; a gbeen lora nba ki a din lor sianyoo nawa.

Jeremaya 31:18

“N gbia ki Israel teeb piak nan parbiir a, ‘Yennu, ti tuu tee nan bonkobyiɔk nae, ŋaan a tumiit mɔsakuwa. Jenin nant, ti teen siir nan tin jen a boora, fin nba tee ti Yomdaanɔ Yennu na.

Barŋanii nba ki LUK din sɔb nae na 9:51

Tɔn, yoo nba din tan per nan Yiisa n do Yendɔuŋ ni na, ki u faa par ki soor sɔnu a wun saan Jerusalem,

Jɔɔnn 12:27

Ŋanne ki Yiisa yet a, “N mɔk parbiir bonchiann, ki ki mi maa saa teen biaŋinba. N nɔk boi n Baa Yennu ki wun nyinnin biak nba baat n paak na ni-i?” Ŋaan bia yaa, “Aaii, kimaan n baar tingbouŋ na ni maa n tan di biak maŋe,”

Jɔɔnn 13:1

Yoo nba ki yukitgar tiaru jaamm daa ki piin na, ŋaan ki Yiisa mi nan u yoo baara, ki u saa nyi tingbouŋ na ni, ki ŋmat u Baa peŋ. U din loon u tiɔŋ poorpoweiteeb nba be tingbouŋ na ni na, ki ji yaa wun wannib biaŋinba ki u mantik loomm.

Jɔɔnn 17:1

Yiisa nba din pak nna maŋ, ŋaan gokit got sanpaapo, ki yet a, “N Baa, yoo maŋ baara. Ŋaant ki min a Bija n la dontir, ki lian te ki a mun la dontir,

Jɔɔnn 7:30

Ŋanne ki bi ji yiab a bin soorɔ, ŋaan bi sɔɔ ki soorɔ, kimaan u sooru yoo daa din ki baari.

Jɔɔnn 7:6

Ki Yiisa jiimm a, “N yoo daa ki baari. Yimm ŋarin, yoo kur ŋane ki turi,

Toona 1:7

Ki Yiisa yetib a, “Li ki lai nan yin bann yoo nba ki n Baa Yennu senn a lin tun na; ŋɔɔe mɔk yaak ki senn u yoo.

Toona 23:11

Li daar nyiɔk, ki ti Yomdaanɔ Yiisa baar Pɔɔl boor, ki tan betɔ a, “Ii mɔk parcheenn. A poŋ turin siara Jerusalem-a, ki li tee talase ki a bia tun nna Rom.”

Toona 27:24

ki tan betin a ‘Pɔɔl, daa tiin jaŋmaanii. See ki bi tan jiia ki saan nana Kpanbar Siisa boor. A paake ki Yennu yaa wun tinn niib kur nba be nana ŋaruŋ na ni.’

2 Timoti 4:6

Kimaan min ŋarin, yoo baar nan man lu n miara; yoo baar nan man nyi tingbouŋ na niwa.

2 Piita 1:14

N mi nan li kan yukiri ki n saa nyi n gbanant ni, nan ti Yomdaanɔ Yiisa Masia nba din betin na.

1 Samuel 26:10

Ki Defid tukin ki yet a, “Barmɔnii nan Yennu nba fo na, n mi nan Yennu tiɔŋo saa kpi Sɔɔl. Laa sii tee u yooe tan saa baar ki wun yiar ki kpo, koo u tan saa saan tɔbe ki saa kpakin li ni.