Yaŋ 28:1 - Yennu Gbouŋ Mɔɔr

¹ Yennu, fine tee n sommtɔɔ, ki n yia. A daa nyar a tuba nanimi. Li-i tee ki a ŋmin ki ki turin gatu, n sii tee nan binba sik kpeentiŋ nae.

Yaŋ 28:1 ပူးပေါင်းရင်းမြစ်များ

JOB labaar 33:28

U fat nyinnin, ki n ki saan kpeentiŋi, ki daa mɔk manfoor.”

Yaŋ 142:1

N yi Yennu ki loon sommir, n barimɔe.

Yaŋ 142:2

N teen ŋɔɔe n maan kura, n want ŋɔɔe n daamii kur.

Yaŋ 143:7

Yennu, turimin gatu mɔtana. N ji ki mɔk dindann nan waama, a daa nyikitimi. Li-i tee ki a nyikin, n saa pukin binba sik kpeentiŋ na poe.

Yaŋ 18:2

Yennu-e tee n guutɔɔ, ŋɔɔ tee n digbanpaarir, ki mi-i be u boor, n be n yamaniŋe. U guun nan naagbankɔŋir nae, ki kɔn n paak, ki dian fanu.

Yaŋ 22:2

Yennu, n bui yonnu ni nan nyiɔk kur, ki ki foi, ŋaan ki a ki turin gatu,

Yaŋ 3:4

N yi Yennu-e ki loon sommir, ki u be u kasii kunkonn paak, ŋaan teenin gatu.

Yaŋ 30:4

Binba kur waa Yennu fanu, yinin yaŋ ki dontɔ, Tiat man linba ki Kasii Daanɔ tun na, ki turɔ niipoouk.

Yaŋ 30:9

“Mi-i kpo, nyɔlante ki a saa la? N kaauk ni siku nyɔɔt sii tee bee? Kpeemm fit piak ki dontir a sanni-i? Bi saa fit mɔɔnt a barmɔnii ŋant nba teewa-a?

Yaŋ 35:22

Yennu, a la linba nawa, li paak, a daa ŋmini. Yennu, a daa fɔkitir nanimi.

Yaŋ 39:12

Yennu, gbiintir n miaru ki bia gbiint n fabinii; mi-i mɔ, fan baar ki tan sommin. N be a boor ki tee nan saamɔ nae, ki tee nan n yeejamm nba din tuu tee na; n kan wei.

Yaŋ 42:9

N yet Yennu, wunba tee n guutɔɔ na a, “Bee ki a tamm n po? Bee ki n sii lin di fara, ki n datai dia ki ŋmaŋitimi?”

Yaŋ 5:2

gbiintir n mɔnii ki sommin, fin nba tee n Yennu nan n kpanbar. N meia, Yennu.

Yaŋ 69:15

A daa te ki nyunpana na piintin, koo ki te ki n di nyun, sunsuŋ na ni, koo ki n fer kpii kaauk na ni.

Yaŋ 77:1

N yikin nan kunkɔpaarir ki tur Yennu. N yikin nan kunkɔpaarir, ki u gbiint turin.

Yaŋ 83:1

Yennu, a daa ŋmini, a daa ŋmin ki taantir.

Barjokit 1:12

Bi sii mɔk manfoor nan laafia yoo nba ki ti lab na, ŋaan ti-i lekib gbenn yoo nba bi ji sii tee nikpeenae.

Aisaya 26:4

Teent i dindann Yennu ni yaayoo siiyoo, u sii guut yoo kur.

Aisaya 38:18

Sɔɔ kaa kpeentiŋ ki saa fit donta. Kpeemm kan fit teen yada a mamɔmm ni.

Fiitu 20:3

ki jiiu lu bootsunsuŋ na ni bintusir, ŋaan kpar ki kpaa kpai ki tabin, ki u ji kan fit kpann tingbouŋ na nibooru kur, bintusir na nɔɔk ni; ki bintusir na-i gar, bi saa lootɔ ki wun nyi paanu waan.