Yaŋ 27:14 - Yennu Gbouŋ Mɔɔr

¹⁴ Teent Yennu yada, cheen a par, kii wakii. Teent Yennu yada.

Yaŋ 27:14 ပူးပေါင်းရင်းမြစ်များ

Pinpiik 49:18

“Yennu, n guu a fatu.

Yaŋ 130:5

N guu Yennu sommire nan n par kur, ki bia teen u maan yada.

Yaŋ 138:3

Mi-i yiina yoo nba, a teenin gatu, a jikit a paŋ nae ki kɔɔntin paŋ.

Yaŋ 25:21

N toonŋana nan n barmɔnii binbeŋ n tinnin, kimaan n dindann kur be a paake.

Yaŋ 25:3

Sɔɔ ki be ki sii mɔk dindann a paak ki tan di fei. Binba tee mɔyêtuk damm na, ŋamme saa di fei.

Yaŋ 31:24

Ii wakii man, ki chee i para, yimm nba mɔk dindann nan Yennu na.

Yaŋ 33:20

Ti dindann maa Yennu paake, ŋɔɔe tee ti guutɔɔ nan ti sommtɔɔ.

Yaŋ 37:34

Guut Yennu yoo, kii dia u sennu, ki u saa donna ki a yent tiŋ na, ki a tan saa la nɔɔnbiit damm biiru yoo.

Yaŋ 37:7

Teent sukuru ki guur Yennu ki wun tun. A daa te ki li daamiia binba tuun toonbiit, ki mɔkitir na paaki.

Yaŋ 40:1

Ki n guur Yennu sommir po soon nna, ki u gbiint ki gbat n mɔnii,

Yaŋ 62:1

N tee soonnae ki guu maa Yennu n tinnin, u niŋe ki n tinnu saa nyi.

Yaŋ 62:5

N maa Yennu kuukɔɔ paake, u niŋe ki n mɔk dindann.

Barjokit 20:22

A daa tuun biit ki jiint binba tuma biit na. Teent Yennu yada ki wun ŋamm maan maŋ.

Aisaya 25:9

Li-i tun nna yoo nba, sɔɔ kur saa yet a, “Ŋɔɔe tee ti Yennu. Ti teen ti dindann u nie, ki u fatit. Ŋɔɔ-i tee ti Yomdaanɔ. Ti teen ti dindann u nie, ki mɔtana ti mɔk parpeenn nan kpinkpammuk, kimaan u tinnita.”

Aisaya 26:8

Ti waa a loomme, ki teen ti dindann a ni. A kuukɔɔe ki ti loon.

Aisaya 30:18

Ŋaan Yennu lek guue a wun tini ninbaauk. U teen siir a wun tini ninbaauk, kimaan u yɔɔ tuun linba tooke. Parpeenn be daansiab nba teen Yennu yada na paak.

Aisaya 40:31

ŋaan binba teen bi dindann Yennu ni ki loon sommir na, ŋɔɔ Yennu-e saa ŋamm pant bi paŋ. Bi sii mɔk paŋ nan baakaa nae, ki do sanpaapo. Bi saa tin, ŋaan kan bakii, ki sii somm, ki ki baŋit.

Aisaya 8:17

Yennu bɔr u mɔŋe u niib boor, ŋaan ki n teenɔ yada, ki jii n dindann ki maa u paak.

Fabinii 3:26

Li paak li ŋan ki tin guur nan sukuru, ki wun tinnit.

Habakuk 2:3

A ŋaan ki lii be sɔbinii ni, kimaan yoo daa ki jaŋ nan lin tun nna, ŋaan yoo baate yian yian, ki maa saa wanna linba na, li set saa tun nan barmɔniiwa. Li sii tee nan li taantire na, ŋaan guutir, li tan saa baara, li kan yukir nan baaru.

Barŋanii nba ki LUK din sɔb nae na 2:25

Li yoo na ki jasɔɔ nna be Jerusalem, ki u sann tee Simeonn. U din tee burchimɔ nan yentinnɔe, ki Yennu Seyeeŋ be u ni, ki u guu yoo nba ki Yennu tan saa tinn Israel teeb.

Barŋanii nba ki LUK din sɔb nae na 2:38

Li yoo na ki u baar ki lab ki teen Yennu niipoouk, ki din piak bik na po ki teen binba kur din guu yoo nba ki Yennu yaa wun tinn Jerusalem teeb na.

Toona 28:15

Yiisaweira nba be Rom doo ni na nba gbat ti po, ki bi fiir chetit Apius daak na ni, ki siab mun chetit Saamŋei Ŋantaa nba kpia Rom na. Pɔɔl nba lab yoo nba, ki li turɔ kpaaŋ-mɔŋ, ki u tur Yennu niipoouk.

Rom Teeb 8:25

Ŋaan ti-i mɔk dindann linba ki ti ki laat paak, ŋann ti ji tuu guu nan sukurue.

1 Korint teeb 16:13

Ii guu man kii be fanu i yada ni, kii mɔk par nan paŋ.

Efesus teeb 3:16

Yennu paŋ nba yab bonchiann biaŋinba na, n meiɔ a wun turi paŋ maŋ u Seyeeŋ paak, ki paŋ maŋ-ii be i ni.

Efesus teeb 6:10

Linba joont tee nnae, ii chee i para ti Yomdaanɔ ni, kii mɔk yabint paŋ nba ki u turi na.

Filipi teeb 4:13

Masia nba teenin paŋ na paak, n saa fit kii be binbeŋ kur niwa.

Kolosa teeb 1:11

Ŋɔɔ Yennu n turi paŋ bonchiann, nan waa mɔk paŋ kur biaŋinba na, linba saa te ki i mɔk gbankur nan sukuru nan parpeenn bonsiar kur ni.