Yaŋ 27:1 - Yennu Gbouŋ Mɔɔr

¹ Yennu-e tee n yentu ki bia tee n tinntɔɔ; n kan tin sɔɔ jaŋmaanii. Yennu-e guun ki nyintin bonbiir kur ni; n kii mɔk jaŋmaanii.

Yaŋ 27:1 ပူးပေါင်းရင်းမြစ်များ

JOB labaar 29:3

Yennu din yɔɔ be nanin, ki teenin yentu, yoo nba ki n somm bunbɔnn ni na.

Yaŋ 11:1

N maa Yennu paake, ki u nyintin mukir ni. I tee jatite ki piak teenin a, “Yukit nan nɔɔŋ na ki do jɔjaana,

Yaŋ 118:21

Yennu, n saa pak donta, kimaan a gbia n fabinii, kimaan a turin nyannuwa.

Yaŋ 118:6

Yennu be nanin, n ki jee siar; nirɔ saa fit teenin bee?

Yaŋ 18:28

Yennu, fine teenin yentu, fine boon bunbɔnn nba bo be n boor na.

Yaŋ 18:29

Fine turin paŋ, ki n fit lek n datai, ki bia turin yiikoo ki n fit nyann bi jatuk.

Yaŋ 18:46

Yennu fo; pakin n sommtɔɔ. A mɔɔnt Yennu nba tinnin na yabint nba tee.

Yaŋ 19:14

Yennu, ŋaant ki n mɔmaan nan n dudukit-ii man a po. Fine tee n sindandiiuk nan n tinntɔɔ.

Yaŋ 3:8

Nyannu nyi Yennu boor nie. Wun teen piisin u niib paak.

Yaŋ 43:2

Fine tee n sommtɔɔ; bee ki a nyikimi? Bee ki n sii lin di fara, ki n datai dia ki ŋmaŋitimi?

Yaŋ 62:2

U kuukɔɔe guun, ki bia saa tinnin, ŋɔɔe tee n sommtɔɔ, ki n kan ban baa.

Yaŋ 62:6

U kuukɔɔe guun, ki bia saa tinnin, ŋɔɔe tee n sommitɔɔ, ki n kan ban baa.

Yaŋ 84:11

Kimaan Yennu-e tee ti guutɔɔ nan ti kpanbar, ki tee piisin ti paak, ki ti laat burchint nan baakir, ki binba tuun linba ŋan, u ki miimm bonŋana.

Nyinu 15:2

Yennu-e tee paŋ daanɔ nba kɔn n paak. Ŋɔɔe tee wunba tinnin. Ŋɔɔe tee n Yennu, ki n saa dontɔ, ŋɔɔe tee n baa Yennu, ki n saa yin yaŋ ki jiin u yabint po.

Aisaya 12:2

Yennu-e tee n tinntɔɔ, n saa teen ŋɔɔe yada, ki kan tin jaŋmaanii. Yennu-e teenin yiikoo nan paŋ, ŋɔɔe tee n tinntɔɔ.

Aisaya 2:5

Tɔn, Jakɔb yaaboona, ŋaant ki tii somm yentu nba ki Yennu turit na ni.

Aisaya 45:24

“Bi saa yet a nyannu nan paŋ nyi n kɔɔ boore, ŋaan binba ki loon n maan na saa di fei.

Aisaya 61:10

Jerusalem kpamm linba ki Yennu tun na paake. U tee nan pooyookir nba tuu lia tiat ki teen siir nan chiann nae. Yennu-e turɔ tinnu nan nyannu.

Jeremaya 20:11

Ŋaan fin Yennu-e see n poor nan paŋ nan yabint, ki binba waan na saa baa. Bi saa di fei yaayoo siiyoo, kimaan bi kan nyanni. Bi fei maŋ sii kaa tammu.

Malakai 4:2

Ŋaan yimm nba sak n mɔb na ŋarin, n tinnu yiikoo na saa yent i paak nan yondoor yonkpana nae, ki turi laafia, ki yin la fat-n-mɔŋ, ki ji mɔk parpeenn nan baa tuu nyinn naabis naaloor ni ki bi mɔk parpeenn biaŋinba na.

Matiu 8:26

Ki Yiisa yetib a “Yimm yadkanpɔɔna damm na, bee ki i tiin jaŋmaanii?” ŋaan fiir ki tian wouŋ nan nyunpana na paak a bin ŋmin, ki bi set ŋmin soon.

Barŋanii nba ki LUK din sɔb nae na 2:30

kimaan n mɔŋ mɔŋ ninbinn la Tinntɔɔ nba ki a tumɔ nawa,

Barŋanii nba ki LUK din sɔb nae na 3:6

ki tingbouŋ niib kur saa la biaŋinba ki Yennu saa tinnib.’ ”

Jɔɔnn 1:9

Yiisa-e tee barmɔnii yentu nba din baar tingbouŋ na ni, ki yentir niib kur ni.

Jɔɔnn 8:12

Ŋanne ki Yiisa bia pak nan niib Yenjiantu ŋasaakak ni a, “Mine tee tingbouŋ na niib yentu, ki daanɔ nba waan, ŋɔɔe sii mɔk yentu nba yentir u binbeŋ, ki u kii turin bunbɔnn ni.”

Rom Teeb 8:31

Ti-i got linba na kur, ti saa yet a bia? Li-i tee ki Yennu be ti po, ŋmee ji be ki saa biiriti?

2 Korint teeb 12:9

ŋaan u lek ki saki, ki betin a “N sommir na saa te ki a nyann mukisuk maŋa, kimaan wunba ki mɔk u mɔŋ paŋ na set saa la n paŋe.” Li paak, n sii faa parbiir n butuŋ na paak nan parpeenne, a Masia paŋ-ii be n ni.

Sennu 7:18

I daa tiimm jaŋmaanii, tiat linba ki i Yomdaanɔ Yennu tun ki tur kpanbar Faaro nan Ijipt teeb na.

Sennu 7:21

Li paak, i daa tiin niib maŋ, kimaan i Yomdaanɔ Yennu be nani. U tee Yenjaanne, ki tee wunba ki i sii tiinɔ ki teenɔ baakir.

Filipi teeb 4:13

Masia nba teenin paŋ na paak, n saa fit kii be binbeŋ kur niwa.

Hiibru teeb 13:6

Li paak, ŋaant ki tii mɔk parcheenn ki yet a: “Yennu-e tee n sommtɔɔ, n kan tin jaŋmaanii, nisaarik saa teenin bee?”

Fiitu 21:23

Ki doo maŋ ki loon ŋmaarik koo yonnu yentu, kimaan yabint Yennu baakchiɔŋ nae tee li yentu, ki Pegann na mun tee li fitir.

Fiitu 22:5

Nyiɔk ji tan sii kaa, bi tan kii loon fitir koo yonnu yentu, kimaan ti Yomdaanɔ Yennu sii tee bi yentu. Ki bi saa di naan kii be mɔkmɔk nan mɔkmɔk.

Fiitu 7:10

“Tinnu nyi ti Yomdaanɔ Yennu nba kar naangbouŋ paak nan Pegann na boore.”