Yaŋ 26:3 - Yennu Gbouŋ Mɔɔr

³ kimaan a lomm yɔɔ be n tɔɔnn po, ki a ŋant yɔɔ ŋmakitirin.

Yaŋ 26:3 ပူးပေါင်းရင်းမြစ်များ

2 Kpanbara 20:3

“Yennu, tiat nan n waa-a fanu nan baakir, ki yiab yoo kur a man tun linba ki a loon.” Li yoo na ki Hesekia piin ki mɔ nan parbiir.

Yaŋ 101:2

Biit kaa n toona ni. A saa baar n boor nlee yooe? N sii be kasii binbeŋe, n ŋaak ni,

Yaŋ 119:142

A popeensin sii yɔɔ be-e, ki a sennu na tee barmɔnii yoo kur.

Yaŋ 25:5

Wantin ki mii be a barmɔnii sɔnii ni, kimaan fine tee Yennu, ki tee n tinntɔɔ, ki n dindann be a ni daa kur.

Yaŋ 52:1

Bee ki a dont a mɔŋ nan toonbiiti, fin nijaann na? Yennu lomm be-e mɔkmɔk nan mɔkmɔk.

Yaŋ 86:11

Yennu, a wannin a sɔnii, ki n saa somm nan barmɔnii. A wannin ki n jianta nan n par kur, kii tiin a sann jaŋmaanii.

Aisaya 2:5

Tɔn, Jakɔb yaaboona, ŋaant ki tii somm yentu nba ki Yennu turit na ni.

Aisaya 8:20

Ii yetib a, “Gbiintir linba ki Yennu wanti na. I daa gbiin ninnyɔɔn damm yari. Linba ki bi wanti na kan sommini.”

Barŋanii nba ki LUK din sɔb nae na 6:36

Ii mɔk ninbatinu man nan i Baa Yennu nba mɔk ninbatinu biaŋinba na.

Jɔɔnn 14:6

Ki Yiisa betɔ a, “Mine tee sɔnu na, ki bia tee mamɔmm, ki bia tee manfoor. Sɔɔ kaa ki saa baar n Baa Yennu boor, ki li ki tee ki u sint baarimi.

2 Korint teeb 3:18

Li paak, chinchenn maŋ ji ki dɔɔk ti numm po, ki ti laat ti Yomdaanɔ nba mɔk ŋant bonchiann biaŋinba, ki li kpintit ki ti naanɔ, ki ti ŋant bia pukii yoo kura, ki ŋant maŋ nyi ti Yomdaanɔ nba tee Seyeeŋ na boore.

2 Korint teeb 8:9

I mi ti Yomdaanɔ Yiisa Masia nuu nba yaa biaŋinba. U din tee mɔkitɔɔe, ŋaan ki i paak ki u kpant tarik, ki u tarik kpantu maŋ paak te ki yimm ji teen mɔkita.

Efesus teeb 4:32

Ii tee burchimm nan ninkpabauŋ damm man i leeb boor. Ii nyikit leeb biit kii chabitib, nan Yennu nba nyikit i yara ki chabiti biaŋinba, Masia paak na.

1 Jɔɔnn 1:7

Ŋaan li-i tee ki ti waa yentu sɔnu yoo kur, nan Yennu nba be yentu ni biaŋinba na, ŋann ti mɔk mɔtaauk nan ti leeb, ki u Bija Yiisa sɔme ŋammit ti para ki nyint biit kur.

2 Jɔɔnn 1:4

N daan mɔk parpeenn bonchiann nan maa la a wasiat, ki bi waa barmɔnii wannu nba ki ti Baa Yennu sennit na.

3 Jɔɔnn 1:11

N yɔɔk, daa tokii sɔɔ toonbiiti, ŋaan kii tuun linba ŋan. Wunba tuun bonŋann, u tee Yennu yɔɔe; ŋaan wunba tuun toonbiit, u ki bann Yennu.