Yaŋ 21:9 - Yennu Gbouŋ Mɔɔr

⁹ Ki u tan saa lekit bi boor ki dib, ki boontib nan muyeruk nba saa di siar na. Yennu saa donn u wutoor bi paak, ki di boontib.

Yaŋ 21:9 ပူးပေါင်းရင်းမြစ်များ

Pinpiik 19:28

Waa got Sodom nan Gomora nan baauk na kur, ki u la ki munyuuk do jukjuk, ki naan nan baa tuu joo datuna ki li di biaŋinba na.

Esra 6:12

Yennu nba gann Jerusalem ki li tee siaminba ki bi sii jiantirɔ na, wun biir bat koo digbann nba yêt sennu na, ki koor a wun biir jiantu ŋasaakak nba be leŋ na. Min Darius-e tur sennu na. Ii sakir fanu.”

JOB labaar 6:3

li kpiasu bo sii yab ki gar mɔkgbeŋir ni tanbiiniiwa. Li paak, a daa te ki n mɔbongbeŋa na n yaar litani.

Yaŋ 106:17

Ŋanne ki tingbouŋ bɔkit ki nak Datann nan Abiram nan bi ŋaateeb;

Yaŋ 18:38

ki n tuu faa birib tiŋ ni, ki bin gbar fiiru, ki n nyannib, ki bi dɔɔ n tɔɔnn.

Yaŋ 18:8

Ki munyuut nyii u manbonii ni, ki mupeenu nan musankɔɔna nyii u mɔb ni.

Yaŋ 2:12

ki gbaan jiantɔ nan gbananjekiruk. Nna-i kaa, u wutoor saa doe yiama ki yin kpo. Parmaasir be daansiab nba baat Yennu boor a wun nyinnib ninbɔŋ ni na paak.

Yaŋ 2:5

U dia wutoore ki teemm kpaanii, ki jii parbiir ki jek bi gbanu.

Yaŋ 50:3

Ti Yennu baate, ŋaan u kan baar soon nna, muu sii die ki be u tɔɔnn, ki wonpaaruk da ki lintirɔ.

Aisaya 26:11

A datai ki mi nan a saa dat bi tuba. Yennu, kɔɔntib fei ki ŋaan bin di biak. Ŋaant bin di biak nba ki a teen li siir na. Wantib faa loon a niib biaŋinba.

Fabinii 2:2

Yennu biir Juda digbanbis kur, ki ninbatinu kaa; ki bit joonpaara nba guu doi na, ki te digbann na nan li diara dii fei.

Nahum 1:6

U wutoor-i doo yoo nba, ŋmee saa tinni? Ŋmee saa fit nyi u wutochiɔŋ na ni? U tuu mɔɔn u wutoor nba di nan mupeenu nae, ki tanpiit yakitir, ki kpantir tant u tɔɔnn.

Malakai 4:1

Yabint Yennu yet a, “Daar baate, ki karinbaandamm nan toonbiit damm na tan saa di muu nan kinkaka na. Li daar maŋ, bi saa di boonte, nan bi siara kan biari.

Matiu 13:42

ki lub musaakau ni; leŋe ki bi tan sii mɔ fabin ki ŋman bi nyana.

Matiu 13:50

Bi tan saa jii nibiit maŋ ki lub musaakau ni. Leŋewa, ki niib tan sii mɔ fabin ki ŋman bi nyana.”

Matiu 22:7

Ŋanne ki bat na wutoor doo bonchiann; ki u tun u kunkɔnkɔnna, ki bi saan ki saa kpii nikpiira maŋ, ŋaan joo bi doo muu.

Matiu 25:41

“Li poorpo, n tan saa jiant ki bet binba see n niigaŋ po na a ‘Yimm nibiit nba ŋan nan tubdatu na, seetir nna. Ii saa man ki saa kɔɔ muu nba di ki kaa kpeenu, ki Yennu ŋamm ki guun Sintaanii nan u niib na ni,

Matiu 25:46

Binba na tan saa saan ki saa la tubdatu nba kaa gbennu na, ŋaan ki yentinna na n mun saan ki saa be manfoor nba kaa gbennu na ni.”

Matiu 3:10

Pajar poŋ teen siira a wun chɔɔ tiinii; ki tiik nba kur ki loon lɔɔnŋana, bi saa chɔɔre ki lur muu ni.

Matiu 3:12

U dia u dilenn ŋmaniie ki yaa wun lenn fanu, ki nyinn dibin ki wuun u bɔɔr ni, ŋaan joo fouŋ na muu nba kan mi kpeen ni.”

Sennu 32:22

N wutoor saa doe nan muyeruk na, ki di linba kur be tiŋ na paak. Li saa di ki baar tinpɔɔr ni, ki bia di kunkona nba fɔk fiaka.

1 Tesalonika teeb 2:16

Bi yiab bi mɔŋ paak gbaa a bin gɔɔrit ki ti daa mɔɔntir Yennu barŋanii ki teen binba ki tee Juu teeb na ki bi laat tinnu. Linba nae want nan bi pukii toonbiit nba ki bi tuu tuun nae nan Yennu wutoor nba ji tan baar nan tubdatu bi paak.

2 Tesalonika teeb 1:8

ki dat binba ki sak u barŋanii ki bia ki mi Yennu na tuba;

Fiitu 19:15

Ki jukbanjiak nba di bonchiann tant ki nyii u mɔb ni, ki u saa jiir ki kɔn nyann nibooru kur, ki yentib nan paŋ, ki saa ŋmakirib siaminba ki bi ŋmakii tilɔɔna na, ki li tee Yennu nba mɔk paŋ kur na wutochiɔŋ.

Fiitu 20:14

Ki bi jii kuun nan kpeentiŋ ki lub bootsunsuŋ nba ki muu gbee leŋ na ni. Kuun nba pukin munlee nae tee muu bootsunsuŋ maŋ.