Yaŋ 20:7 - Yennu Gbouŋ Mɔɔr

⁷ Nisiab teen yada nan bi taantorite, ki leeb mun teen yada nan bi taanii, ŋaan timm ŋarin teen yada nan ti Yomdaanɔ Yennu sanne.

Yaŋ 20:7 ပူးပေါင်းရင်းမြစ်များ

2 Samuel 10:18

Israel jab din waa Siria kunkɔnkɔnna, ki bi tiin ŋmat poor. Defid nan u kunkɔnkɔnna din kpii Siria kunkɔnkɔnna nba be taantorit paak kobii ŋanlore, nan taanjakira tusaa piinna, ki tur Sobak nba tee bi kunkɔnkɔnna saakɔɔ na daŋ. U din kpo tɔb na nie.

2 Samuel 8:4

Ki Defid soor u taanjakira tusir nan kobii ŋanlore, nan kunkɔnkɔnna nba somm taatiŋ na tusaa piinlee. U din nyik taanii nba daar torite kobik, ŋaan teen leeb na wabii.

2 Barkperii 13:16

Israel teeb na din chiare ki nyik Juda teeb. Yennu-e din te ki Juda teeb kɔn paak Israel teeb.

2 Barkperii 14:11

Ki Asa miar u Yomdaanɔ Yennu, ki yet a, “Yennu, a saa fit somm kunkɔnkɔnna nba ki mɔk paŋ ki bin kɔn nyann binba mɔk paŋ. Ti Yomdaanɔ Yennu, sommitit mɔtana, kimaan ti maa a paake, ki a sann nie ki ti nyii a tin took kunkɔnkɔnna nba yabit na. Yennu, fine tee ti Yomdaanɔ, sɔɔ kaa ki saa fit kɔn nyanna.”

2 Barkperii 32:8

U mɔk nisaarik paŋ kɔɔe, ŋaan timm ŋarin mɔk ti Yomdaanɔ Yennu, ki u saa sommit ki kɔn kɔnn na ki turit.” Kpanbar na mɔmaan din chekin niib na.

JOB labaar 39:11

A sii fit maa u pangarisuk paak ki dukii nan wun tun a toonpaara ki turawa-a?

Yaŋ 28:8

Yennu-e guu u niib, ki kɔn u niganntɔɔ paak, ki teenɔ tinnu.

Yaŋ 45:17

N yaŋ saa te ki niib-ii tian a sann yoo kur. Ki sɔɔ kur saa dont a sann yoo nan yoo.

Barjokit 21:31

A saa fit lon taanii ki teen siir a fan took tɔb, ŋaan Yennu-e teen nyannu.

Aisaya 30:16

I loon yin jak taanii nba kakiie, ki chiar bot i datai. I mɔk mɔnii. Nantaare tee linba ki i saa tun. I dukii nan i taanii mantik kakiie, ŋaan binba waai na kakii ki gariwa.

Aisaya 31:1

Binba saa Ijipt ki loon sommir na boonta. Bi maa Ijipt kpanbar kunkɔnkɔnna paŋ paake, li taanii nan taantorit nan li jab, ŋaan bi ki maa Israel teeb kasii Yabint Yennu na paaki, koo ki boiɔ sommir po.

Jeremaya 17:5

Ki Yennu yet a, “N saa biir daansɔɔ nba ŋmant u poor ki turin, ŋaan maa nirɔ paak, ki u yada be nisaarik paŋ ni na.

1 Samuel 13:5

Filistia teeb na din taan leeb a bin kɔn nan Israel teeb. Bi din mɔk kunkɔntorit tusaa piintaa, nan taanjakira tusaa ŋanloob, nan jab nba tee kunkɔnkɔnna, ki bi yab nan mɔktanbiinii na, ki bi saan Mikmas, ki li be Betafenn yondo po, ki chaan bi kaaŋ.

1 Samuel 2:10

Binba tee Yennu datai na, u saa biiriba. U saa te ki satianii n nyi sanpaapo ki tian bi paak. Yennu saa bu durinya niib kur buut. U saa jii paŋ ki tur u kpanbar, ki te ki u kpanbar ganntɔɔ maŋ n nyann.”