Yaŋ 18:9 - Yennu Gbouŋ Mɔɔr

⁹ Ŋanne ki u pat sanpagbouŋ ki nyii sik; ki sanpagbounbɔŋ be u taa po.

Yaŋ 18:9 ပူးပေါင်းရင်းမြစ်များ

2 Samuel 22:10

U din pat sanpagbouŋo ki sik, ki bunbɔncheenn be u taa po.

Yaŋ 50:3

Ti Yennu baate, ŋaan u kan baar soon nna, muu sii die ki be u tɔɔnn, ki wonpaaruk da ki lintirɔ.

Yaŋ 68:4

Yinin yanii ki tur Yennu, yinin ki dont u sann, yinin ki dont daanɔ nba jaak sanpagbouŋ paak; ki u sann tee Yennu na. Ii mɔk parpeenn u tɔɔnn.

Yaŋ 97:3

Muu gaar u tɔɔnne ki di u datai nba ŋaa lintɔ na.

Nyinu 19:18

Sainai jɔɔr na kur po din loo nan munyuute, kimaan Yennu din sik nan muu, jɔɔr maŋ paake. Munyuut na din doo sanpaapo, ki tee nan mutunn munyuut nae, ki jɔɔr na damm bonchiann.

Aisaya 51:6

Gotir sanpaak, ki got tingbouŋ. Sanpaak saa bot nan munyuut nae; ki tingbouŋ n kpet nan kparchant na, ki li niib kur saa kpo nan kpajuut nba kpenn biaŋinba na. Ŋaan maa baat nan tinnu nba na sii yɔɔ be-e. N nyannu nae sii tee linba see.

Aisaya 66:15

Yennu saa baar nan muue, ki baar nan sajaperinn na, ki dat binba ki u wutoor doo bi paak na tuba.

Joel 3:16

Yennu kunkɔr saa nyi Sayɔnn kunkonn paak; ki u kunkɔr n tant ki nyi Jerusalem po; ki tingbouŋ nan sanpaak n jek, ŋaan Yennu saa kɔn u niib paaka.

Matiu 24:29

“Biak na poorpo ki yonnu tan saa bɔnn, ki ŋmaarik ji kan yenti; ki ŋmaabira tan saa nyi sanpaapo ki baa, ki linba kur be sanpaapo tan saa damm ki ŋmat ŋmat.

Barŋanii nba ki MAK din sɔb nae na 15:33

Laa din tan baar yonsuuk ni, ki digbann na kur ji bɔnn ki saa tuu yenlekir kut muntaa.

Jɔɔnn 13:7

Ki Yiisa jiinɔ a, “Mɔtana, a daa ki bann maa tuun linba na paaki, ŋaan li poor po, a saa banna.”

Sennu 33:26

Israel teeb, yensau ki tee nan i Yennu na, wunba purin sanpaapo nan u bonŋana, ki bia purin sanpagbant ni ki teen siir nan i sommir.

Hiibru teeb 12:26

Li yoo na, Yennu kunkɔr din nik tingbouŋ nae, ŋaan mɔtana u senn mɔsonn ki yet a, “N ji kan nik tingbouŋ na kuukɔɔ kaa, ŋaan n tan saa nik tingbouŋ na nan sanpaapo kurewa.”

2 Piita 3:10

Ti Yomdaanɔ daar maŋ baaru tan sii tee nan nanyukɔ baaru nae. Li daar maŋ, sanpaapo saa gbenn nan fujaann; ki muu nba di bonchiann tan saa di sanpaapo bonsiar kur, ki tingbouŋ na nan bonsiar kur nba be leŋ tan saa di muue ki boont.

Fiitu 20:11

Ki n bia la naangboungbeŋir nba peen bonchiann, nan wunba kar li paak na; ki tingbouŋ nan sanpaak mir bot u tɔɔnn, ki sɔɔ ji kan mi lar.