Yaŋ 18:28 - Yennu Gbouŋ Mɔɔr

²⁸ Yennu, fine teenin yentu, fine boon bunbɔnn nba bo be n boor na.

Yaŋ 18:28 ပူးပေါင်းရင်းမြစ်များ

2 Samuel 22:29

Yennu, fine tee n fitir, ki te bunbɔnn kpantir yentu ki teenin.

1 Kpanbara 11:36

Ŋaan n saa te ki Solomonn bija-ii dia booru yennkɔɔe, ŋanne saa te ki mii mɔk Defid yaaboonn yoo kur, ki u dia Jerusalem doo nba ki n gann ki bi jiantirin leŋ na.

1 Kpanbara 15:4

Ŋaan Defid paak, ki u Yomdaanɔ Yennu tur Abija bonjak nba tan saa gaar Jerusalem naan, ki dia Jerusalem fanu, u baa kuun poorpo.

JOB labaar 18:6

Ki fitir nba be u ŋaak ni na sii tee bunbɔnne.

JOB labaar 29:3

Yennu din yɔɔ be nanin, ki teenin yentu, yoo nba ki n somm bunbɔnn ni na.

Yaŋ 112:4

Yentu tuu yent bunbɔnn nie ki tur niŋamm, nan binba tee ninbatinna, nan burchimm, nan popeendamm na.

Yaŋ 132:17

Nna nae ki n saa dinn Defid yaaboona na yenɔ naan ki teenɔ kpanbarjaann; nna nae ki n saa te ki n kpanbargaŋir naan na-ii tun kii be.

Barjokit 20:27

Yennu-e turit yan nan dudukit, ki ti kan fit kpann ti mɔŋi.

Aisaya 2:11

Yoo baat ki nisaarik parbifaant saa gbenn, ki nisaarik garuk n biir. Tɔn, Yennu kɔɔe ji saa la baakir.

Aisaya 2:12

Daar maŋ ni, Yabint Yennu saa sikin wunba kur dont u mɔŋ, nan binba tee garit damm. Yennu kɔɔe tan saa la dontir, daar maŋ ni.

Aisaya 42:16

“N saa tɔkin nan n jɔɔnii na, sɔnu nba ki bi ki ban tɔkine. N saa kpint bi bunbɔnn na ki teenir yentu, ki naa digbangbetima na ki turib. N mɔsonae na, ki n saa dia mɔsona maŋa.

Aisaya 62:1

N saa pake ki maan Jerusalem par. N kii ŋmin see ki u tan tinn, ki u nyannu yeen nan nyiɔk muu na.

Matiu 4:16

yimm nba be bunbɔnn ni na la yentjaann; binba kar kuun bunbɔnn yent ni na la ki yentu na yentir ki baatib.”

Barŋanii nba ki LUK din sɔb nae na 1:79

ki li tan saa yent sanpaapo ki tur binba be kuun bunbɔnn ni na; ki bia yent ti taa ni ki tin tɔkin parmaasir sɔnjouk na.”

1 Piita 2:9

Ŋaan yimm ŋarin tee Yennu nigannkabe, ki bia tee u naan ni niib nba jiantirɔ, ki bia tee nibooru nba tee popeendamm, ki bia tee u tiɔŋ niib, ki yii mɔɔntir ŋɔɔ nba nyinni bunbɔnn ni, ki baar nani u bakitnauŋ yentu ni na burchintuk po.