Yaŋ 18:21 - Yennu Gbouŋ Mɔɔr

²¹ N mɔk mɔsaku nan Yennu sennu na; N ki yêt n Yomdaanɔ Yennu.

Yaŋ 18:21 ပူးပေါင်းရင်းမြစ်များ

2 Barkperii 20:32

Jehosafat din tee nan u baa Asa nba din tee biaŋinba nae, u din tuun linba ŋan Yennu tɔɔnn,

2 Barkperii 34:33

Kpanbar Josaya din bet tingbana nba kur be Israel teeb yent na ni. Waa din be u manfoor ni ki wei biaŋinba, u din te niib na jiantir bi yeejamm Yomdaanɔ Yennu-e.

Yaŋ 119:102

N ki yêt a sennii, kimaan a mɔŋe tee n wanntɔɔ.

Yaŋ 17:4

N ki piak biit nan leeb nba piak biaŋinba na. N sak a maame ki yêt min wei kpikpiruk sɔnii.

Yaŋ 26:1

Yennu, a bu n buut ki turin mɔnii, kimaan n tuun linba ŋan, ki teena yada, ki ki biris nana.

Yaŋ 7:9

A tee popeenn Yennu-e, ki bu ti para ni nan ti dudukit ni buut. Potir nɔɔntont damm binbeŋ na, ŋaan tur niŋamm na nyɔɔt.

Barjokit 8:32

“Mɔtana, nipaauŋ, gbiintir man. Tumiin maa yeeni linba na, ki i sii mɔk parpeenn.

Daniel 6:23

Ki kpanbar na par penn, ki u kpamm, ki tur mɔb a bin donn Daniel bootuk na ni. Ki bi dat donnɔ, ki la nan siar ki dammɔ nan waama, kimaan waa teen Yennu yada na paak.

Toona 24:16

Li paak, n yiab n mɔŋ yoo kur maa n tun linba took, ki n par-ii be fanu Yennu nan nisaarii boor.

1 Tesalonika teeb 2:10

Yimm nan Yennu-e tee ti siaradamm ki jiin taa din be nan yimm Yiisaweira nan binben-yeeŋ nan yentinu, ki kaa biit biaŋinba.

1 Jɔɔnn 2:19

Masia datai maŋ nyii ti nie, ŋaan bi ki tee ti yab kaa. Bi-i bonni tee ti yabie, timm nan ŋamme bo sii lakin be; ŋaan bi nyikita, ki li want nan bi ki tee ti yab setik nan mɔnii.

1 Samuel 15:11

“N mɔ kɔɔ nan maa teen Sɔɔl kpanbar na, kimaan u yêtima, ki ki mɔk mɔsaku nan n sennu.” Li din daamii Samuel, ki u fabin li daar nyiɔk kur ki tur Yennu.