Yaŋ 18:2 - Yennu Gbouŋ Mɔɔr

² Yennu-e tee n guutɔɔ, ŋɔɔ tee n digbanpaarir, ki mi-i be u boor, n be n yamaniŋe. U guun nan naagbankɔŋir nae, ki kɔn n paak, ki dian fanu.

Yaŋ 18:2 ပူးပေါင်းရင်းမြစ်များ

2 Samuel 22:3

Yennu-e tee n guutɔɔ, u nie ki n la fatu; u guun nan naagbankɔŋir nae, u fiarin ki tintin. Ŋɔɔe tee n tinntɔɔ, u guun ki nyintin bonbiir ni.

Yaŋ 116:1

N loon Yennu, kimaan u gbia n fabinii, u gbiintir n miaru.

Yaŋ 132:17

Nna nae ki n saa dinn Defid yaaboona na yenɔ naan ki teenɔ kpanbarjaann; nna nae ki n saa te ki n kpanbargaŋir naan na-ii tun kii be.

Yaŋ 144:2

Ŋɔɔe tee n gaartɔɔ nan n guutɔɔ, ŋɔɔe tee n sindandiiuk nan n tinntɔɔ; n tinnu dindann be u nie, ŋɔɔe sikin digbana tiŋ ni ki turin.

Yaŋ 19:14

Yennu, ŋaant ki n mɔmaan nan n dudukit-ii man a po. Fine tee n sindandiiuk nan n tinntɔɔ.

Yaŋ 28:1

Yennu, fine tee n sommtɔɔ, ki n yia. A daa nyar a tuba nanimi. Li-i tee ki a ŋmin ki ki turin gatu, n sii tee nan binba sik kpeentiŋ nae.

Yaŋ 59:11

Yennu, a daa kpibi. Li-i tee ki a kpiib, n niib saa tamm bi tubdatu na poe. A yatib nan a paŋ ki bii lin, ki fan nyannib, fin Yennu nba tee ti guutɔɔ.

Yaŋ 62:2

U kuukɔɔe guun, ki bia saa tinnin, ŋɔɔe tee n sommtɔɔ, ki n kan ban baa.

Yaŋ 62:7

N tinnu nan baakir saa nyi Yennu boore, ŋɔɔe tee n guutɔɔ nba ŋan, ki tee n gungurboor.

Yaŋ 75:10

U saa pot nɔɔnbiit damm paŋ, ŋaan pukin kasii damm yar.

Yaŋ 91:2

ŋɔɔe saa fit yet a, “Yennu, fine tee n guutɔɔ nan n fat-tɔɔ. Fine te n Yennu; ki n teena yada.”

Yaŋ 91:4

U saa jii u kpinkpante ki bakina, ki sii guua ki a be fanu, ki u barmɔnii saa guura ki bia kɔn tura.

Nyinu 15:2

Yennu-e tee paŋ daanɔ nba kɔn n paak. Ŋɔɔe tee wunba tinnin. Ŋɔɔe tee n Yennu, ki n saa dontɔ, ŋɔɔe tee n baa Yennu, ki n saa yin yaŋ ki jiin u yabint po.

Barjokit 18:10

Yennu tee nan difoouk nba mɔk paŋ nae, ki tee siaminba ki popeenn damm saa kɔɔ la tinnu.

Barjokit 2:7

Yennu saa somm ki guur binba tee niŋamm ki bia tee barmɔnpakira na.

Aisaya 32:2

Bi tan sii tee nan wondɔkitir, koo satekitir nae. Bi sii tee nan kpenii nae ki puub kunkoouk paak, ki bia tee nan tinperik paak tanjagbouŋ yunyuŋ na.

Jeremaya 16:19

Yennu, fine guun ki teenin paŋ, a sommitin daamii yoo. Digbana saa nyi tingbouŋ na kpinii po ki baar a boor, ki yet a, “Ti yeejamm din ki mɔk siar ki pukin faak yennii, bi din ki mɔk siar ki pukin pata nba kaa nyɔɔt po.

Hiibru teeb 2:13

U bia yet a, “N tan saa teen Yennu yada,” ki bia yet a, “Min nan waas nba ki Yennu turin nae be na.”