Yaŋ 18:15 - Yennu Gbouŋ Mɔɔr

¹⁵ Yennu, yoo nba ki a gaar jat a datai paak, ki yakii namm nan wutoor na, ŋanne ki mɔkgbeŋir tiŋ po ji dɔɔ yann, ki tingbouŋ fiakir nyɔɔnt.

Yaŋ 18:15 ပူးပေါင်းရင်းမြစ်များ

2 Samuel 22:16

Ki mɔkgbeŋir tiŋ po ji dɔɔ yann, ki tingbouŋ na fiakir nyɔɔnt, yoo nba ki Yennu yakii nan u datai ki tantir bi paak nan wutoor na.

2 Kpanbara 19:7

Yennu saa te ki kpanbar maŋ n gbat biyaa maan, ki ŋmat kun u tiɔŋ doo ni, ki ŋɔɔ Yennu n te ki bin kpiu leŋ.”

JOB labaar 36:32

U tuu kub sanyikintii na u nuu nie, ki tuu tan te lin yek jabenn na.

JOB labaar 4:9

Yennu saa donn wutoor ki biirib nan wonpaaruk nae.

Yaŋ 104:5

Fine senn tingbouŋ na li fiakir paak, ki li set fanu ki kan ban chat,

Yaŋ 106:9

U din yet Mɔkmuŋ na, ki li fɔɔr; ki u poon u niib tinkooŋ paak.

Yaŋ 144:6

Tumin sanyikintii ki lin yat a datai. A tɔ a peenii na ki a datai n chiar.

Yaŋ 74:15

Fine din loot nyuntona nan mɔktona, fine bia din te ki kpengbeŋa fɔɔr.

Yaŋ 76:6

Fin Yennu nba ki Jakɔb din jiantir na, yoo nba ki a yakii namm na, ki bi taanii nan taanjakira baa ki kpo kpo.

Yaŋ 77:18

Satianii na jek tiŋ, ki sanyikintii na yent durinya kur po, ki tingbouŋ jek, ki damm.

Yaŋ 92:10

A te ki n mɔk paŋ nan mɔnaab nae, a tee parpeenn piisime n paak.

Nyinu 15:8

A da mɔkgbeŋir paake, ki nyun gbab ki set sunsonn nan joonjouk na, ki mɔkgbeŋir tiŋ po nyɔɔnt.

Aisaya 11:4

U saa bu tarii buut fanu, ki kɔn talas damm paak. U tuu saa tur mɔbe ki bin dat niib tuba, ki nibiit na saa kpo.

Aisaya 30:33

Sian yooewa ki bi din ŋamm siaminba ki muchiɔŋ tan saa di Asiria kpanbar na. Leŋ maŋ sumii, ki yarin, ki daat bia gbee. Yennu-e saa foont muyeruk ki lin joor.

Jeremaya 31:37

Li-i tee ki bi saa fit bikin sanpaak, ki ŋmaa tingbouŋ na, li yooe ki Yennu mun saa yêt u niib Israel teeb, kimaan linba ki bi tun na paak. Yennu-e pak na.

Jona 2:6

N kpii ki saa baar jɔfɔkit fiaka ni, tiŋ nba tammɔi kpar yaayoo nan yaayoo, ŋaan fin n Yomdaanɔ Yennu-e bia jiin sunsuŋ maŋ ni, ki tan donnin foot.

Maika 6:2

Yimm jɔjaana, nan yimm nba tee tingbouŋ na fiakir nba tun be na, gbiintir Yennu buut. Yennu mɔk maan nan u niib. U yaa wun wann ŋamm Israel teeb bi biite,

Sekaria 9:14

Yennu saa dɔkit ki be u niib yur paak. U saa tɔ u peenii nan sanyikintii nae. Yabint Daanɔ Yennu saa peb naatunn, ki sii be wonpaaruk nba saa nyi niidiitu po ki baar na ni.

1 Samuel 7:10

Yoo nba ki Samuel daa mann maruŋ na, ki Filistia teeb na nakin waan a bin lekib. Li taakpaak ni, ki Yennu te saak tian sanpaapo, ki yaar litib, ki ŋmat bi yan, ki bi chiar nan jaŋmaanii.