Yaŋ 16:6 - Yennu Gbouŋ Mɔɔr

⁶ A piinii nba ki a pin kur mɔk bakitnauŋ; a piinii kur ŋane.

Yaŋ 16:6 ပူးပေါင်းရင်းမြစ်များ

Yaŋ 61:6

Pukint kpanbar na manfoor bina bonchiann; ŋaant ki u naan-ii be mɔkmɔk nan mɔkmɔk.

Yaŋ 78:55

U din ber niib nba kɔɔ leŋ na ki nyinnib, yoo nba ki u nigannkab Israel teeb baat na, ki biit tiŋ na ki tur bi booru kur, ki kɔɔmm niib nba din kɔɔ leŋ na ŋei ni.

Jeremaya 3:19

Ki Yennu yet a, “Israel digbann, n loon man gaara nan n bija nae, ki tura durinya na ni tiŋ nba ŋan bonchiann. N loon fan yiinin baae, ki ji daa ŋmantir poor ki teenin.

Amos 7:17

Li paak, Amasia, Yennu beera a, ‘A ŋaapoo sii tee bonchonchonne ki be doo ni, ki bi saa kpi a waas tɔbii ni, ki bia saa jii a tiŋ na ki biit siab, ŋaan ki a mɔŋ saa kpo binba ki jiantir Yennu na tiŋ ni. Ki bi tan saa soor Israel teeb na bi tiŋ ni, ki yaat saan namm tingaŋ ni.’ ”

Jɔɔnn 20:17

Ki Yiisa betɔ a, “Daa somi, kimaan n daa ki doo sanpaapo n Baa boori; ŋaan i saa n naa waas boor, ki saa betib a n saa do sanpaapo, wunba tee n Baa nan i Baa na boora; ŋɔɔe bia tee n Yennu nan i Yennu na.”

Rom Teeb 8:17

Taa set tee u waas na paak, ti saa la bonŋann nba ki u bir ki guun u niib nawa; ti bia tan saa lakin nan Masia ki gaarira. Kimaan ti-i di biak Masia paak, u tan saa donnit u boora.

Efesus teeb 1:18

N bia meiɔ maa wun yent i numpo, ki yin bann dindann nba paak ki u yiini na, ki bia bann nan bona nba ki u tan saa tur u niib na ŋan bonchiann,

2 Timoti 2:12

Ti-i ŋammit yabii, ti mun tan saa di naan nanɔe; ŋaan ti-i yaa ti ki miu, u mun tan sii yaa u ki miti.

Hiibru teeb 12:2

Ŋaant ki tin kpan kpaa ti ninbina Yiisa paak; ŋɔɔe ki ti yada gaa u paak li pinpiik niwa nan li joontu na ni. Dapunpunn na din ki te ki u nyik yabiru. Parpeenn nba din baat u paak na paak, u din ki dukin ki li mɔkɔ fei nan wun kpo li dapunpunn paaki, ŋanne te ki u ji kar Yennu naangbouŋ paak, u niidiitu po mɔtana.

Fiitu 3:21

Wunba nyann nyannu na, n saa turɔ yaak ki wun tan lakin kar nanin, n naangbouŋ na paak, nan maa nyann nyannu kur ki lakin kar nan n Baa Yennu, u naangbouŋ paak biaŋinba na.