Yaŋ 16:10 - Yennu Gbouŋ Mɔɔr

¹⁰ kimaan fine nyintin kuun paŋ ni; a kan te ki a kasii nirɔ gbanant n bat, koo wun nyint kpeentiŋi.

Yaŋ 16:10 ပူးပေါင်းရင်းမြစ်များ

JOB labaar 11:8

Sanpagbouŋ na, Yennu mi li paak, ki li fɔk kaa terik nan nirɔ n baar. Yennu mi kpeentiŋ, ŋaan fin ŋarin ki mi.

Yaŋ 139:8

Mi-i doo sanpanaagbeŋ, a poŋ be leŋe, mi-i sik kpeentiŋ, ki a be leŋ.

Yaŋ 49:15

Ŋaan Yennu saa fatin kuun nuu ni, ki saa jiin, ki mii be u boor.

Yaŋ 9:17

Biit damm nan binba ki mi Yennu na ŋarin, kuume tee bi joontu.

Barjokit 15:11

Kpeentiŋ gbaa, ŋaan siar ki dɔɔk Yennu nan wun bann linba be leŋi, ki niib ji saa teen nlee ki bɔrɔ bi dudukiti?

Barjokit 27:20

Nisaarik bonlonkara ki gbent nan kpeentiŋ nba kan ban gbee nae.

Aisaya 14:9

“Kpeentiŋ tee siire a wun gaar Babilonia kpanbar na saauŋ. Binba din mɔk yiikoo tiŋ na paak na narimii ji ŋmakintire. Kpanbara narimii ji fi bi naan binbinta paake.

Aisaya 5:14

Kpeentiŋ ŋakit bi paakewa ki guub, ki yaat mɔb saama. Li saa faar Jerusalem nijaana, ki kpab nan nileeb nba nyu daan yib ki mɔk fuut na, ki nakib.

Daniel 9:24

“Yennu senn nan bina piinlore taar munlore poorpoewa, ki u tan saa ŋaa a niib nan a kasii doo na, ki bin nyi bi yanbɔmm nan biit ni. Yennu tan saa nyik chab yanbɔmm, ŋaan baar nan ŋant nba kaa paak, ki yirintu nan masɔkinkar na saa teen barmɔnii, ki bi saa ŋamm kasii jiantu ŋasaakak na.

Liifai teeb 19:28

koo ki teen i mɔŋ dɔkit ki li tee kaar, koo ki ŋma i mɔŋ kuun paaki. Mine tee Yennu.

Amos 9:2

Ki bi-i lekii gbiir bootuk ki sik kpeentiŋ gbaa, ŋaan n saa sooriba, koo bi-i lekii doo sanpagbouŋ ni gbaa, ŋaan n saa sikiniba.

Nikant 6:6

U yut nae tee nyinn ki want nan u jii u mɔŋ ki tur Yennu. U daa siin kuun ki tee u mɔŋ jakint, li-i lekii tee u baa, koo u naa, koo u ninja, koo u niipoo gbanankpeenn gbaa.

Barŋanii nba ki LUK din sɔb nae na 1:35

Ki malaka na yetɔ a, “Yennu Seyeeŋ saa sik a ni, ki Yabint Yennu maŋ paŋ n bakin a paak; li paak, bik nba ki a tan saa marɔ maŋ sii tee popeendaanɔe, ki bi yiu Yennu Bija.

Barŋanii nba ki LUK din sɔb nae na 16:23

ki u be kpeentiŋ biak boor, ki li mukisɔ bonchiann. Ki u tan yaat got ki la Abraham banfɔkira, ki Lasarus be u boor.

Barŋanii nba ki LUK din sɔb nae na 4:34

“Fin Yiisa nba tee Nasaref nirɔ na, timm nan fin, nlee mantiki? A baar a a tan biirite-e? N mi faa tee wunba; a tee Yennu popeendaanɔ nae.”

1 Korint teeb 15:42

Li tee nnae kuun fiiru ni; bi-i pii gbanant tiŋ ni, li tuu tan pɔɔke, ŋaan li-i taŋi fiir, li ji kan mi kpo.

Sennu 32:22

N wutoor saa doe nan muyeruk na, ki di linba kur be tiŋ na paak. Li saa di ki baar tinpɔɔr ni, ki bia di kunkona nba fɔk fiaka.

Fiitu 1:18

ki bia tee footɔɔ na, ki din kpo, ŋaan mɔtana n fiira, ki sii fo mɔkmɔk nan mɔkmɔk, ki bia mɔk kuun nan kpeentiŋ paŋ;

Fiitu 20:13

Ki mɔkgbeŋa nyinn kpeemm nba be nyun ni, ki kuun nan kpeentiŋ mun nyinn binba kpo ki be bi ni na. Ki Yennu bu bi buut nan baa tun biaŋinba na.