Yaŋ 148:8 - Yennu Gbouŋ Mɔɔr

⁸ li sanyikintii nan sakaana, nan wunn nan sanpagbant, nan wonpaaruk nba saak u mɔb na.

Yaŋ 148:8 ပူးပေါင်းရင်းမြစ်များ

Pinpiik 19:24

Li yoo na ki Yennu te ki sarwuuta nan muu baar baa Sodom nan Gomora doi ni.

JOB labaar 37:12

ki chari nan Yennu nba loon biaŋinba. Ki bi tuun Yennu nba senn biaŋinba, durinya na kur po.

Yaŋ 103:20

Yimm malakanba nba mɔk paŋ nan yabint na, ii dont Yennu man, yimm nba saak u sennii ki bia gbiin u maan na.

Yaŋ 18:12

Ki sakaana nan mukpana nyii sanyikintii ni, u tɔɔnn po, ki baar tan bɔkit sanpagbouŋ na ki gar.

Nyinu 10:13

Ki Moses donn u patu na sanpaapo, ki Yennu te wouŋ nyii yondo po ki da tiŋ na paak, li daar yonnu nan nyiɔk kur. Li tan yentir na, ki sɔɔ wouŋ na baar nan naasuut nawa.

Nyinu 10:19

Ki Yennu tunn wouŋ nba bo nyii yondo po na, ki li ji nyii yonbaa po ki daa saa yondo po, ki tee wonpaaruk, ki jii naasuut na ki saan sikimm mɔkgbeŋir nba ki bi yi Mɔkmuŋ na ni.

Nyinu 14:21

Ki Moses tant u nuu mɔkgbeŋir na paak, ki Yennu te wonpaaruk nyii yondo po ki da nyun na paak, ki li bɔkit. Wouŋ na din da nnae nan tiŋ na nba tan koor. Nyun na din bɔkite,

Aisaya 66:16

U saa jii muu nan banjiake ki dat durinya na niib nba kur mɔk biit na tuba, ki kpi bi bonchiann.

Joel 2:30

“Ki daa maŋ ni, n tan saa tun bakitnauŋ toona sanpaapo nan tingbouŋ na ni; ki sɔn nan muu nan munyuuk tan sii be.

Liifai teeb 10:2

Ki li taakpaak ni ki Yennu te ki muu sik ki dii kpiib ŋɔɔ Yennu tɔɔnn po.

Amos 4:13

Yennu-e tee daanɔ nba nan jɔfɔkit, ki bia nan wouŋ, ki fiitir u dudukit ki teen nisaarik, ki te yonnu baa ki nyiɔk bɔnt, ki somm tingbouŋ na siaminba dokii paak, ki u sann tee: Yomdaanɔ Yabint Yennu.

Amos 7:4

Ki n bia la yirintu ki li nyii Yabint Yennu boor. Yirintu maŋ ni, ki n la ki u tee siir a wun dat u niib tuba nan muu, ki muu na dii boont mɔkgbeŋir nba be tinpɔɔr ni na, ki ji piin di tingbouŋ.

Jona 1:4

Ŋaruŋ maŋ nba din fiir saa na, ki Yennu tun wonpaaruk mɔkgbeŋir na paak. Wouŋ na nba din mantik paar na, ki ŋaruŋ na ji loon lin yakit.

Jona 1:5

Binba din be ŋaruŋ na ni yan din put bonchiann, ki bi jak wuyikinii ki loon sommir. Sɔɔ kur din yikin ki yi u yenbike. Baa din gbaa baa saa teen biaŋinba ki ŋaruŋ na n fukit na, bi din nyinn jika nba be ŋaruŋ na ni kurae ki lu nyun ni. Li yoo na ki Jona dɔɔ ŋaruŋ na ni ki gɔɔn kpowa.

Nikant 16:35

Ki Yennu bia tun muu ki li sik ki tan dii jab kobii ŋanlee nan piinŋmu nba bo dia bi bonnunubit ki teen ŋɔɔ Yennu na.

Joosua 10:11

Ki Israel teeb kunkɔnkɔnna nba waa Amor teeb, ki bi tiin siik na, ki Yennu te sakaangbeŋa baa ki jaat Amor teeb maŋ nan baa saa baar Aseka. Sakaana na din kpii Amor teeb na ki gar Israel teeb kunkɔnkɔnna nba kpiib biaŋinbawa.

Fiitu 16:21

Ki sakaana nba gbeŋ, ki li yenn kpaiu tee nan naar na nyii sanpaapo, ki tan baa niib paak, ki bi sukii Yennu, kimaan sakaangbeŋa nba baa bi paak na. Li din tee biak gbeŋire.