Yaŋ 146:9 - Yennu Gbouŋ Mɔɔr

⁹ Yennu-e guu saamm nba be ti tiŋ na ni, ŋɔɔe sommit pakɔi nan kpeebii, ŋaan biir biit damm na lora.

Yaŋ 146:9 ပူးပေါင်းရင်းမြစ်များ

2 Samuel 15:31

Defid nba din gbat nan Ahitofel pukin Absalom kpikpiruk lor po yoo nba, ki u miar Yennu ki yet a, “Chanbaa Yennu, ŋaant Ahitofel kpaanii n teen yann.”

2 Samuel 17:23

Ahitofel nba tan bann nan bi ki gaan u kpaanii yoo nba na, ki u jii u boŋ ki jak kun u doo ni, ki saa chakit ŋaak chakita, ŋaan jɔnn u mɔŋ ki kpo, ki bi piiu u baanba kaat ni.

Estaa 5:14

Ŋanne ki u ŋaapoo nan u yɔɔsnba na kur ŋmakitɔ a, “Chaant dafoouk ki li fɔkint-ii tee taakaabii piinlee nan ŋanŋmu. A won yet kpanbar ki wun te bin jɔnn Mordekai li paak; ki a ji fit saan di jaamm na nan parpeenn.” Ki Hamann gaar, nan li tee dudukŋante, li paak ki u te ki bi chaan daauk na.

Estaa 7:10

Ŋanne ki bi jɔnn Hamann dachaatir nba ki u chaan ki guun Mordekai na paak. Tɔn, ki kpanbar na wutoor ji maak.

Estaa 9:25

Ŋaan ki Estaa saan kpanbar boor, ki u saa turɔ yiikoo gbant, ki te ki bi jɔnn Hamann, nan waa din lor biaŋinba ki jiin Juu teeb po na. Bi din jɔnn ŋɔɔ nan u bonjai nae dachaata paak.

Yaŋ 10:14

Ŋaan a laat, a chakin mabir nan biak kure, ki teen siir nan fan somm. Talas daanɔ jikit u mɔŋ ki teenae. A yɔɔ sommit fara damme.

Yaŋ 145:20

Ŋɔɔe guu binba loonɔ na kur, ŋaan u saa biir biit damm nawa.

Yaŋ 147:6

Yennu-e dont binba mɔk sikin-n-mɔŋ na, ŋaan sikint biit damm na tiŋ ni.

Yaŋ 18:26

A mantik want a yeenu ki teen binba yeen, ŋaan tee tondamm dataak.

Yaŋ 68:5

Yennu nba be u kasii ŋasaakak ni na, u baka be kpeebii nan pakɔi po, ki u goriib.

Barjokit 15:25

Yennu saa bit karinbaandamm ŋei, ŋaan guur pakɔɔk mɔkint.

Barjokit 4:19

Toonbiit damm na ŋarin sɔnu bɔne nan nyiɔk na. Bi tuu baae, ŋaan ki mi baa jar linba.

Jeremaya 49:11

Nyikin i kpeebii n boor man, ki n saa gotib. I pakɔi sii fit maa n paak.

Hosea 14:3

Asiria teeb kan fit tinniti, ki tɔb taanii kan fit guuriti. Ti ji kan ban yet tingbana na nan ŋamme tee ti Yomdaanɔ. Yennu, fine mɔk ninbatinu ki teen binba ki mɔk sɔɔ ki saa boi sommir po na.”

Malakai 3:5

Yabint Yennu yet a, “N saa baar i boor ki tan bu binba tee jabaabuura, nan bonchonchona, nan faak siara damm, nan binba ŋmaab bi toontunna bi paauk ni, nan binba fiar pakɔi nan kpeebii nan nigamm bona, nan binba kur ki teenin baakir na buut.”

1 Korint teeb 3:19

Linba ki tingbouŋ na teeb dukin ki li tee yan na, li tee jatiie Yennu boor, nan laa sɔb Yennu gbouŋ ni a, “Yennu biir yandamm bannu,”

Sennu 16:11

Ii mɔk man parpeenn Yennu boor, yimm nan i waas nan i daaba nan Liifai teeb nan boorganu nan kpeebii nan pakɔi nba be i yent ni na. Tumin nna boyennkɔɔ nba tee jiantu boor na.

Jeems 1:27

Wunba sommit kpeebii nan pakɔi bi fara ni, ki bia nyinn u mɔŋ tingbouŋ na toonbiit ni, ŋɔɔe set tee Yiisaweirɔ nan barmɔnii, ki ki mɔk biit ti Baa Yennu boori.