Yaŋ 142:1 - Yennu Gbouŋ Mɔɔr

¹ N yi Yennu ki loon sommir, n barimɔe.

Yaŋ 142:1 ပူးပေါင်းရင်းမြစ်များ

1 Barkperii 4:10

Ki Jabes miar ŋamm Israel teeb Yennu, ki yet a, “Yennu, teent piisin n paak, ki te n yent-ii yab; ŋaant ki a nuu-ii paa n paak, kii guun, ki bonbiir daa baatin, ki mii fɔk nan tont.” Ki Yennu gat turɔ linba ki u miar na.

Yaŋ 141:1

Yennu, n yia; sommitin mɔtana. Mi-i yiina yoo nba, fan gbiint ki turin.

Yaŋ 28:2

Gbiintir ki turin, yoo nba ki n fabin ki loon sommir, yoo nba ki n donn n nii ki jiin a kasii ŋasaakak po.

Yaŋ 30:8

Yennu, n yiin fine, n barimae ki a sommin.

Yaŋ 32:1

Damm nba ki Yennu nyik chab bi yanbɔmm, ki bia piin bi biit na, parpeenn tee bi yare.

Yaŋ 54:1

Yennu, jiin a paŋ ki tinnin, jiin a paŋ na ki ŋaan yann.

Yaŋ 57:1

Tinimin ninbaauk, Yennu, tinimin ninbaauk, kimaan a niŋe ki n seek gur. A kpinkpant maasue ki n laat fatu, daamii nba tuu baarin nan laa tuu tan gar.

Hiibru teeb 11:38

Tingbouŋ na teeb din ki jaŋ nan bii be nammi. Ki bi din lin yeek kunkoot paak nan kunkona ni, ki lin dɔɔ tanfiat nan fɔrii ni.

1 Samuel 24:3

ki saa baar tanfiiɔk nna boor, ki li be sɔnjokpiŋ ki kpia peloi, ki u kɔɔ tanfiiɔk na ni a wun fat u mɔŋ, ŋaan sɔɔ Defid nan u jab dɔŋ kɔɔ tanfiiɔk maŋ niwa, ki be li linn po.

1 Samuel 24:4

Ki Defid jab na yet a, “Daar nba nae ki Yennu din paka nan u saa jii a dataak ki kubin a nuu ni, ki a saa fit teenɔ faa loon biaŋinba.” Ki Defid bɔk soon nna ki saa bɔkin, ki pot Sɔɔl liatir mɔgbann, ki Sɔɔl ki banni.