Yaŋ 14:2 - Yennu Gbouŋ Mɔɔr

² Yennu be sanpaapo ŋaan gorii nisaarii a wun laan siab be ki sub ki bia jiantirɔ.

Yaŋ 14:2 ပူးပေါင်းရင်းမြစ်များ

Pinpiik 11:5

Ŋaan Yennu din sik tan la bi doo nan bi ŋasaakak nba ki bi daa maa na,

Pinpiik 18:21

N yaa n saan leŋe, ki laan maa gbat biaŋinba ki jiin bi toonbiit maŋ po na, li tee mɔnii amii faake.”

Pinpiik 6:12

Ki Yennu got tingbouŋ na, ki la ki li bi, kimaan nisaarii kur din be jakint nie.

2 Barkperii 19:3

Ŋaan bonŋansiar lek be a ni. A boon chicherpook Asera ninnant nba ki niib na tuu jiantir nawa, ki bia yabir tuun Yennu nba loon biaŋinba.”

2 Barkperii 30:19

“Yennu nba tee ti yeejamm Yomdaanɔ, fin nba tee ŋant daanɔ na, nyikin chab damm nba jiantira nan bi para kur na, nan baa lek be jakint ni na gbaa.”

JOB labaar 15:14

Nisaarik sii mantik tee popeenn daanɔwa-a? Sɔɔ sii fit be fanu nan Yennuwa-a?

Yaŋ 107:43

Binba mɔk subinii kur n dukin linba na po; bin dukin Yennu lonchiɔŋ nba kaa gbennu na po.

Yaŋ 11:4

Yennu be u kasii jiantu ŋasaakak ni. U naangbouŋ be yendɔuŋ ni, ki u gorii niib siar kur po, ki mi linba kur ki niib tuun.

Yaŋ 69:32

Talasdamm na-i la nna, bi sii mɔk parpeenne; ki binba jiantir Yennu na mɔk kpaŋ-n-mɔŋ.

Yaŋ 82:5

“Bi ki mi siari, bi bia ki bant siar paaki, ki tee ŋmabir damm, ki barmɔnii paku bot durinya na teeb boor.

Yaŋ 92:6

Jatuk kan fit bann linba na, yankaarin daanɔ kan fit bann linba na paaki.

Barjokit 2:9

Li-i tee ki a gbiint n maan, a saa bann linba took, nan linba tee barmɔnii, nan linba ŋan, ki a sii mi faa saa tun linba.

Barjokit 8:5

I daa tee waase-e? Tumiin saakab binbeŋ. I tee jatite-e? Tumiin yan man.

Barjokit 9:16

“Baat man, yimm nba ki mi siar na,” ki yeen jatit na a,

Barjokit 9:4

“Yimm nba ki mi siar na, ii baat na man,” ki bia yet jatit na a,

Aisaya 27:11

Tiinii na yiinii koore ki kɔnn baa, ki poob tɔkii ki kuunt. Niib na nba ki bann siar na, Yennu nba tee bi nantɔɔ na kii mɔk ninmaanii, koo ki timm ninbaauku.

Aisaya 55:6

Jenin Yennu boor, ki miarɔ yoo nba ki u naak na.

Aisaya 63:15

Yennu, faa be sanpaapo ki tee kasii ki mɔk baakir na, a gotit. A baka nba tuu be ti ni bonchiann na be lia? A paŋ na be lia? A lomm nan a ninkpabauŋ na be lia? A daa nyɔrin nyikinti.

Aisaya 64:1

Bee ki a kan pat sanpagbouŋ ki siki? Kunkona bo saa la-a, ki jaŋmaanii n jekib.

Aisaya 8:19

Ŋaan niib saa yeti a yin boi ninnyɔɔn damm nan jabaabuura, binba burin ki lɔkin na, a bin fiit maan ki turi. Bi saa yet a, “Li tee niib n tuu boi kpinkpaarii nan kpeemme, binba fo na paak.”

Jeremaya 4:22

Yennu yet a, “N niib na tee bonliiniie. Bi ki mimi. Bi tee nan wajata nae ki ki mɔk bannu. Bi mi toonbiit tumue fanu, ŋaan gbar toonŋana tumu.”

Jeremaya 5:1

Jerusalem teeb, tinin ki lin i sɔnjot kur ni. Gotir lint. Lamin i numm. Lomin doi ni, ki laan i saa la nirɔ nba ki u toona ŋan ki u loon Yennu-u? Yi-i saa fit lau, Yennu saa nyik chab Jerusalem-a.

Fabinii 3:50

ki tan tun yoo nba ki Yennu saa got sikin ki lat.

Daniel 12:10

Ki niib bonchiann para tan saa ŋamm fanu. Binba tee biit damm kan bann li paaki, bi sii ŋamii tuun toonbiite; ŋaan binba sub, ŋamme saa bann li paak.

Matiu 13:15

Kimaan niib na yan dɔkine, bi tuba mun paar, bi bia mun bi ninbinae, kimaan bi ki loon bin la siari, ki bia ki loon bin gbati, ki bia ki loon bi yan n dɔkiti, ki bia ki loon bin nyik bi toonbiit, ki n te ki bin la laafia.’

Rom Teeb 3:11

Sɔɔ kaa ki mɔk minu, sɔɔ kaa ki loon Yennu.

Hiibru teeb 11:6

Nirɔ-i kii teen Yennu yada, li yɔɔ kan fit penn ŋɔɔ Yennu pari, kimaan wunba kur baat Yennu boor, li kpaa talas ki li yɔɔ n teen yada nan Yennu set be, ki teen binba loonɔ na nyɔɔt.