Yaŋ 132:9 - Yennu Gbouŋ Mɔɔr

⁹ Ŋaant ki a mannteeb-ii tuun linba took yoo kur; ŋaant ki a niib-ii hoot nan kpinkpammuk.

Yaŋ 132:9 ပူးပေါင်းရင်းမြစ်များ

2 Barkperii 6:41

N Yomdaanɔ Yennu, fiit mɔtana nan a mɔlor lakir nba see a paŋ taar ni na, ki kɔɔ ŋasaakak na ni, kii be leŋ mɔkmɔk nan mɔkmɔk. Teent piisin a mannteeb paak, nan toonn nba kur ki bi tuun, ki te ki a niib kur-ii mɔk parpeenn, kimaan faa ŋan ki turib na paak.

JOB labaar 29:14

Ki n be popeenn binbeŋ kur,

Yaŋ 104:1

N seek, pakin Yennu. N Yomdaanɔ Yennu, a yab bonchiann.

Yaŋ 132:16

N saa teen piisin u mannteeb paak linba kur ki bi tuun ni, ki u niib sii yiin yanii ki hoot.

Yaŋ 149:5

Ŋaant ki Yennu niib-ii kpamm, kimaan baa nyann na paak, ki yin kpinkpammuk yanii nyɔtunmunn.

Yaŋ 47:1

Digbana niib kur n poi niipoouk nan parpeenn, kii bia kii dont Yennu nan kunkɔpaara.

Yaŋ 68:3

Niŋamm na ŋarin-ii mɔk parpeenn, kii kpamm Yennu tɔɔnn. Bii mɔk parpeenn kii yikin nan kpinkpammuk.

Yaŋ 70:4

Ŋaan niib nba kur baat a boor na, bii mɔk parpeenn kii kpamm. Ŋaant ki binba kur mɔk niipoturu a tinnu paak na-ii yeen a, “Yennu-e tee yabint daanɔ.”

Yaŋ 93:1

Yennu-e tee kpanbar, u gbee nan yabinte nan paŋ, u senn tingbouŋ na fanue, ki li kan ban nyat.

Aisaya 61:10

Jerusalem kpamm linba ki Yennu tun na paake. U tee nan pooyookir nba tuu lia tiat ki teen siir nan chiann nae. Yennu-e turɔ tinnu nan nyannu.

Aisaya 65:14

Bi sii yiin parpeenn yaniie, ŋaan ki i mɔ nan yanyêtuk.

Sefania 3:14

Israel niib, ii yiin yanii man, kii yikin nan kpinkpammuk. Jerusalem teeb, ii mɔk kpinkpammuk man nan i para kura.

Sekaria 9:9

Sayɔnn teeb, ii mɔk kpinkpammuk man. Jerusalem teeb, ii yikin man nan parmaasir. Gotir man, i kpanbar nae baat i boor na. U tee yiikoo daanɔe ki mɔk nyannu, ŋaan u tee wunba sikint u mɔŋe, ki jak boŋ nba set tee bonpaaŋ.

Rom Teeb 13:14

Ii tee nan ti Yomdaanɔ Yiisa Masia nba tee biaŋinba na, ŋaan nyik i gbanant loonbiit, ki ji daa dukii li po.

1 Piita 5:5

Nnae mun, yimm nba tee nipaauŋ, ii saak saakab mɔi; ki i kur-ii gaan leeb mɔi, ki teen tarii i leeb boa, kimaan li sɔb Yennu gbouŋ ni a “Ŋɔɔ Yennu yêen karinbaandamme, ŋaan sommit binba sikint bi mɔŋ na.”

Fiitu 19:8

Ki Yennu tur sarkpeŋ na chinchenŋann nba nyirii ki yeen bonchiann, a wun gbab.” (Chinchenŋann nae tee Yennu popeendamm binben-yeeŋ.)

Barbuura 5:31

“Yennu, ŋaant ki a datai kur n kpakin yann, ki ŋaan binba loona na, bii nyirii nan yonkpana na.” Li poor po parmaasir ji din be tiŋ na paak, bina piinna.