Yaŋ 128:2 - Yennu Gbouŋ Mɔɔr

² A toonne saa tura a bonloŋa. A sii mɔk parpeenne ki mɔkitir.

Yaŋ 128:2 ပူးပေါင်းရင်းမြစ်များ

Pinpiik 3:19

A tuu saa tume bonchiann ki nyi naauka ki tiŋ n fit nan jeet, nan faa tan saa ŋmat tant nba ki a nyii na ni. Tante ki n jii nama, a bia tan saa ŋmat kpant tant maŋe.”

Yaŋ 1:3

Li nibooru tee nan tiik nba see kpengbiɔŋ nae, kimaan u lomm yoo-i baar, u tuu lone, u tituut bia ki siiri. Bi toona kur saa fanue.

Yaŋ 109:11

Ŋaant ki u pandamm n jii u faar kur ki yaat, ki saamm n jii mɔkint nba kur ki u tun la,

Banntɔɔ 8:12

Yanbɔndaanɔ saa fit biir toonn taar kobik, ŋaan bia mɔk manfoor. Nn, n mi baa yeen linba a: “Li-i tee ki a sak Yennu mɔb, bont kur sii ŋane ki tura,

Aisaya 3:10

Niŋamm para sii peene, ki bona saa fanu ki turib. Bi saa di linba ki bi tun na nyɔɔte nan parmaasir.

Aisaya 62:8

Yennu senn mɔsonjaanne, ki saa jii u yiikoo ki gbeen u mɔsonn maŋ a: “I dii ji kii tee i datai jeeti, ki nigamm ji kan nyu i tilɔɔna daan.

Aisaya 65:13

Ki n beeri nan binba jiantirin ki saak n mɔb na sii mɔk bonchiann ki di ki nyu, ŋaan yimm n sii be kon nan nyunnyukurue. Bi sii mɔk parpeenne, ŋaan ki yimm di fei.

Jeremaya 22:15

Li-i tee ki a jii kpek taabii ki maa ŋaak ki li fan gar leeb ŋei, li saa fit teena kpanbarmɔnɔwa-a? A baae la manfoor manu. U din ŋane ki tee nimɔnɔ, ki do linba kur ki u tuun ni.

1 Korint teeb 15:58

Li paak, n naa waas, ii be man fanu ki daa baa Masiaweiu ni. Ii jii i mɔŋ kii tuun ti Yomdaanɔ toona yoo kur, kimaan i mi nan toona nba ki i tuun ki teen ti Yomdaanɔ na, li tan kan baa yanni.

Efesus teeb 6:3

ki a bont kur n somm fanu, ki a manfoor n bia fɔkit tingbouŋ na ni.”

Sennu 28:11

Yennu saa turi waas nan bonkobit bonchiann, nan jeburuŋ, tiŋ nba ki u senn mɔsonn tur i yeejamm nan u saa turi na ni.

Sennu 28:39

I tuu saa wuu daan tilontii, ki bia gotib fanu ki bin teen tiinii, ŋaan i kan pɔɔr li lɔɔna ki mɔɔ, koo ki nyu li daami, kimaan dundura saa mɔɔ li nyakawa.

Sennu 28:4

“Yennu saa teen piisin i paak, ki i sii mɔk waas nan jeet nan bonkobit bonchiann.

Sennu 28:51

Ki bi saa ŋman i bonkobit nan i bonbuburit, ki i saa kpo kon. Ki bi kan tenn i jeet koo tilɔɔna daan koo kpan koo nei koo pei, ki i saa kpo.

Sennu 28:8

“I Yomdaanɔ Yennu saa teen piisin i toona paak, ki gbeen i naapaat nan jeet. U saa teen piisin i paak, tiŋ nba ki u teeni na ni.