Yaŋ 122:6 - Yennu Gbouŋ Mɔɔr

⁶ Ii mei Yennu wun tur Jerusalem parmaasir a, “Ŋaant ki binba loona na-ii mɔkitir.

Yaŋ 122:6 ပူးပေါင်းရင်းမြစ်များ

Pinpiik 12:3

Binba kur teena piisin, n mun sii teemm piisin, ŋaan binba waanta mɔbiit, n mun sii waantib mɔbiit, ki a yaa paak, n saa teen piisin nisaarii kur paak.”

Nehemaya 11:1

Tɔɔndamm na din kar Jerusalem, ki leeb nba biar na tɔ naatɔɔt ki gann ŋayennkɔɔ, ŋei piik kur ni, a bin saan kɔɔ Jerusalem, kasii doo na ni, ŋaan ki leeb nba biar na n kɔɔ digbangbeŋa nan digbanbis nba biar na ni.

Nehemaya 11:2

Niib na din pak kpakit wunba kur biar sak ki saa kɔɔ kar Jerusalem, u tiɔŋ lomm ni.

Estaa 4:8

U din tur Hatak sennu gbouŋ nba ki bi mɔɔnt Susa doo ni, a bin boont Juu teeb na. Mordekai din yetɔ a wun ŋmat Estaa boor ki saa wannɔ u daamii; ki Estaa n saan ki barin kpanbar ki wuu mɔk ninbatinu, ŋɔɔ Estaa niib paak.

Yaŋ 51:18

Yennu, tinin Sayɔnn doo ninbaauk ki sommir, ŋammit maa Jerusalem joona.

Aisaya 62:7

Bi daa teenɔ yaak, see ki u tan fiin Jerusalem, ki teenir doo nba ki durinya kur saa pak dont.

Aisaya 66:10

Ii taan Jerusalem po kii kpamm, kii mɔk parmaasir u paak, yimm nba kur loon doo na na. Yimm nba kur tuu mɔ u paak na, ii taan u po kii kpamm mɔtana man.

Jeremaya 29:7

Ii tuun linba saa somm doi nba ki n te ki i saan leŋ ki teen yommii na. Ii mein kii teen doi maŋ man, kimaan li-i tee ki doi maŋ mɔk, i mun sii mɔke.

Jeremaya 51:50

Yennu piak teen u niib nba be Babilonn a, “I nyii kuun niwa. Ii saa man. I daa taantir. Yaa lek fɔk nan i doo na, ŋaan ii dukii min nba tee i Yennu na po, kii tian Jerusalem po.

Nikant 24:9

Ki Israel booru maŋ tee nan yanbɔr wɔkituk na, ki li-i tee ki u gɔɔnti, sɔɔ ki mɔk par nba saa fiinɔ. Wunba sat piisin Israel teeb paak mun saa gaar piisin, ki wunba mun sat mɔtont Israel teeb paak mun saa gaar mɔtont.”

Jɔɔnn 17:21

N bia meia maa bi kura n taan mɔyomme. N Baa, faa be n ni, ki n mun be a ni biaŋinba na, ŋaant ki bi mun n taan nant mɔyomm nna; ŋanne saa te ki tingbouŋ na ŋaateeb n teen yada nan fine tumin.

Efesus teeb 4:3

Yennu Seyeeŋ nba teeni mɔtaauk nba na, ii yabir i mɔŋ kii diar nan parmaasir nba taani na.

2 Tesalonika teeb 3:16

Ti Yomdaanɔ nba teen parmaasir na n turi parmaasir yoo kur, siar kur ni. Ti Yomdaanɔ-ii be nan i kur.

1 Jɔɔnn 3:14

Taa loon ti naa waas na, ŋanne want nan ti nyii kuun paŋ ni, ki be manfoor nba kaa gbennu ni. Ŋaan daanɔ nba ki mɔk li lonbooru, ŋɔɔ ŋarin biar be kuun paŋ nie.

1 Samuel 12:23

Min ŋarin, Yennu n bɔr ki n daa tuun yanbɔmm ki nyikin i paak Yenmiaru, ŋaan n sii wanti linba ŋan ki bia tooke.